Úff

Ekki hefði ég viljað vera í þessari vél. En gott að heyra að allt fór vel.

Hætti við lendingu á Ísafirði

Ég á þó miða núna.

Oft áður hef ég pirrað mig á því að hafa gleymt að kaupa miða. Ekki skrýtið þó ég vinni ekki.

Núna ákvað ég að heita á eitt og ef ég fengi vinnig þá myndi ég redda hinu. Ekki fékk ég vinning í þetta skiptið svo ég verð þá bara að sleppa hinu líka.

Ansans

Lottóvinningur upp á 44,6 milljónir til Íslands

Góðir punktar þarna....

sem mér finnst alveg vantar þegar ég hlusta á þá sem finnst að við ættum að borga.

breskir og hollenskir innstæðueigendur völdu sjálfir að taka áhættu með því að leggja peninga sína inn á íslensku netreikningana. Þeir voru lokkaðir með loforð um háa vexti, en á móti kom að áhættan var einnig há og það hefðu þeir átt að gera sér grein fyrir.

 

Trúlega er þetta það sem ég er ósáttust með. Ég hef ekkert, ekki orð heyrt frá bresku eða hollensku stjórninni um að þeir innistæðueigendur hafi á neinn hátt borið ábyrgð þó svo að þeir hafi vitað að þetta væri áhætta. Held að þetta sé skoðun margra. Það hleypur í mann kergja og nautið í mér spyrnir við og vill þá ekki borga.

Ég held að það væri allt önnur almenn skoðun í landinu í dag vegna Ice save ef bretar og hollendingar hefðu strax tekið á sig hluta af ábyrðinnni í orði.

Hvað segið þið hin?

Norðmönnum ber að aðstoða

Er þá málið....

að sleppa því að fara á hana? Alltof sjaldan sem ég nenni að horfa á heila bíómynd, hvað þá að fara í bíó.

Þunglyndir í kjölfar Avatars

Anda á milli og lesa rólega.

Þrjú leikskólabörn skutu leikskólakennarann og foreldraaaaaa........    nei bíddu spóla til baka.

Þrjú leikskólabörn skutu leikskólakennurum, foreldrum sínum skelk o.s.frv.

Fyrstu sekúndurnar sem ég var að lesa þetta voru ja, allavega ég ákvað að byrja aftur. Það sem sagt skiptir máli stundum hvernig orðaröðin er.

Leikskólabörn reyndu að flýja til Afríku

Er þetta sælan sem þeir vilja draga okkur í ?

Ég bara spyr.

Mikill og djúpstæður vandi í evrulandi

Tómstundir barna.

Hvað skyldu margir foreldrar vera í sömu stöðu og ég?

Ég á þrjú börn. Sem betur fer vilja þau öll stunda íþróttir. En misjafn er smekkurinn. Nú er ég enn einu sinni komin í þá aðstöðu að þau æfa hjá þrem ólíkum íþróttafélögum. Hvað þýðir það?

Jú, fullt gjald allsstaðar. Enginn afsláttur. Sú eldri er í dansi, hann í miðið er í sundi. Sú yngri var í sundi en er að færa sig yfir í Karate. Auðvitað finnst mér samt frábært að þau finnir sér eitthvað áhugamál.

Af hverju í ósköpunum er ekki hægt að setja þessar íþróttir inn í skólakerfið eða allavega bæjarkerfið  og þá sitja allar fjölskyldur við sama borð, óháð ólíkum áhugamálum barna sinna. Væri frábært ef þau væru bara að koma heim svona um fimmleytið, búin í öllu.

Veit ekki betur en að sveitarfélögin séu að styrkja þessi félög um stórar upphæðir á hverju ári hvort eð er.

En fyrst ég er á annað borð farin að tala um íþróttafélög þá er annað sem mér hefur fundist svo óréttlátt. Flest allar íþróttagreinar ganga út á það að keppa og fara í keppnisferðir. Það er allt í góðu fyrir þá sem það vilja. En það vilja bara ekki allir. Sumar fjölskyldur hafa bara ekki tækifæri til þess. Sumar fjölskyldur hafa meira að segja ekki efni á því. Sumir vilja bara koma á æfingu tvisvar í viku. En það er ekki viðurkennt. Æfingum fjölgar þegar börnin eldast og það á að gera allar að atvinnumömmum.

Væri gaman ef einhverjir skrifuðu skoðun sína um þessi mál

Stórt eldhús!!

Það hlýtur að vera óvenjustórt eldhús hjá Hrannari og óvenjumargir vinir sem maðurinn á. Ég er með svona 1/3 af því sem hann er með og aldrei dytti mér í hug að setja eitthvað inn sem ekki alþjóð má vita. Hvað þá að ætlast til að fólk "skyldi mig" á einhvern sérstakan hátt. Svo oft er ég nú misskillin þó ég haldi að ég hafi sett textann mjög skýrt fram.

 

Fésbókarsíðan ekki opinber

Íslenska aðferðin?

Vera þáttakandi í einhverju sameiginlegu. Það gengur bara þokkalega.

Verða gráðugur , vilja meira. Hætta í þessu sameiginlega.

Stofna nýtt, einn.

 Hér fór flest á hausinn.

Hvernig skyldi honum ganga?

Með eigin sjónvarpsþátt

Hvað segja femínistar við þessu?

Hæ!!

 

Þið áttuð þó ekki von á gáfulegum skrifum í framhaldi af þessari þreyttu og alls ekki lengur fyndnu spurningu. Þið kannist við fólkið sem segir sama brandarann aftur og aftur svo mánuðum og jafnvel árum skiptir, ekki satt? Einmitt hélt það líka. 

Hafið það gott í kvöld.

19 ára ástmaður 58 ára þingkonu