Leita í fréttum mbl.is

Bloggfærslur mánaðarins, janúar 2009

Árshátíð í dag

Árshátíðin í skólanum var í dag. Setti inn fullt af myndum á hina síðuna mína sem er: www.123.is/ollana.

Annars hef ég það fínt, hef bara svo mikið að gera að ég gef mér ekki meiri tíma í bloggið.

Er þó eins og flestir landsmenn spenntir yfir því hvernig stjórnin kemur út. Er þó bjartsýn og vona það besta.

Hafið það gott elskurnar


Eurovision

Þetta er Jade, sú sem vann í Bretlandi. Tekur hér gamalt og gott lag.

 


Klaufalega orðað!

Og ekki í fyrsta skipti. Ætli mamma hans hafi aldrei kennt honum að telja upp að tíu. Eða hann hafi bara gleymt því.

 


mbl.is Berlusconi vekur hneykslan
Tilkynna um óviðeigandi tengingu við frétt

Úff!!

Mikið er ég fegin að vera ekki í hlutverki þess sem þarf að taka ábyrgð á þessari ákvörðun.

Ef hún/hann tekur þá ákvörðun að senda ávarpið út kemur einhver hópur og fordæmir það. Ef hann/hún hins vegar heldur sinni ákvörðun til streitu að senda ekki út, þá verður annar hópur brjálaður.

Hvað á að gera?


mbl.is Þúsundir mótmæla ákvörðun BBC
Tilkynna um óviðeigandi tengingu við frétt

Allir geta skemmt sér.

Það geta allir skemmt sér á Akureyri þessa dagana.

Það er frítt í jóga, það er frítt í leikfimi, það er frítt i krullu, í stafagöngu, gönguhópa, það er meira að segja frítt í fjallið þessa helgi. Enda skilst mér að allar vélar í gær hafi verið meira og minna fullar.

Þetta er frábært afrek þeirra sem að þessu standa.

Njótið þess


mbl.is Skíðað fyrir norðan
Tilkynna um óviðeigandi tengingu við frétt

Ennþá flottur í læknaslopp?

Spurning. Mér fannst hann gjörsamlega Ðí flottasti hérna áður fyrr. Verður gaman að sjá hvort það virkar ennþá.
mbl.is Snýr Clooney aftur í ER?
Tilkynna um óviðeigandi tengingu við frétt

Hvaða tími væri betri?

Hörður minn, þú kannski lætur okkur vita hvaða tími hentar ykkur best ef þarf að koma með tilkynningar.

Hrædd um að hann hafi aðeins hlaupið á sig núna. En það er einmitt svo auðvelt þegar einhver kemur rjúkandi með mikrafón, treður upp í andlitið og vill fá svar núna.


mbl.is Hænuskref í rétta átt
Tilkynna um óviðeigandi tengingu við frétt

Ég vil, kannski fæ ég ekki allt sem ég vil!!

Auðvitað vill hann halda kosningar fyrr. Hann veit sem er að nú í augnablikinu er staða þeirra sterk. En um leið og fólki er gefinn tími til að hugsa og kanna hvað annað er í boði , þá á það eftir að breytast.

Svona um það bil vildi ég sjá þetta.

Ég get sætt mig við kosningar í maí en þó með því skilyrði að tíminn fram að þeim sé vel nýttur. Það á að nota tækifærið og stokka þetta kerfi okkar upp. Ég vil ekki þurfa að kjósa heilan flokk, bara af því að mér finnst einhver frábær manneskja vera í honum. Heldur vil ég getað kosið persónur sem ég treysti til starfsins.

Það sem ég vildi sjá núna er að sjónvarpið verði notað mikið til kynningar. Öll framboð geri kynningarþætti þar sem koma fram helstu áherslumál þeirra , hvernig þeir líti á ástandið í dag og hvaða lausnir þeir séu með. Ég nenni ekki að hlusta á 150 fréttatíma og umræðuþætti til að ná að heyra aðalatriðin. Ég vil að sömu spurningar séu lagðar fyrir öll framboð og vil að þau svari þeim svo ég geti námundað mig við það framboð sem er næst minni skoðun. Ég vil ekki x á happdrættismiða. Ég vil líka fá að vita hvaða einstaklinar séu í framboði.

Ég vil svo margt, hvað viljið þið?


mbl.is Steingrímur J.: Sleginn út af laginu
Tilkynna um óviðeigandi tengingu við frétt

Föstudagur til fjár!

Hm.. ekki málið hér.Frekar til eyðslu hér í dag en það er auðvitað fjárfesting til framtíðar.

Allt í gangi hér eins og venjulega.

Yngri börnin í skólanum. Aðalmálið þar þessa dagana er undirbúningur fyrir árshátíð sem verður um næstu helgi. Mér skilst að ég eigi að fjárfesta í englavængjum í dag. Er kannski einhver Ak. sem les þetta og á vængi sem getur lánað okkur? Frekar stór fjárfesing fyrir ekki lengri tíma. Vængir eru sem sagt ekki notaðir mikið hér svona dags daglega.

Unglingurinn liggur í tannlæknastólnum á meðan ég skrifa þessi orð. Verið er að setja á hana spangir. Hún er búin að vera með beisli í tæpt ár minnir mig og hefur staðið sig eins og hetja. Bitið sem átti að rétta sem mest er orðið rétt. Þannig að hún fær 10+.

Eiginmaðurinn var að vakna á Landspítalanum. Svaf að vísu ekki mikið í nótt. Líf og fjör á deildinni. Hann var í skurðaðgerð þar í gær. Allt gekk vel og hnífurinn virkaði vel. Hann kemur  heim með flugi í kvöld. Það þýðir að við bjóðum vonandi upp á ný líf á þessu heimili hér eftir, líf án verkja. Mikið hlakka ég til. Strengirnir voru heldur betur farnir að styttast. Verð samt að viðurkenna að ég er ekkert viss um að hann verði skemmtilegur sjúklingur.Hann á nefninlega eftir að vera heima í 6-8 vikur. Talið við mig eftir 4. Blush Nú, eða hann. Við erum vön því að hann sé á sjónum og því er þetta alveg ótrúlega mikil breyting. Og þá af því hann getur svo lítið gert.

Ég fór á fund í Brekkuskóla hér á Ak. í gærkveldi og segi betur frá honum seinna i dag ef ég gef mér tíma. En mikið gerði hann fyrir mig. Ég náði að fylla á bjartsýnistankinn. Það var eitthvað farið að minnka í honum. Aðallega er það vegna þess að ýmislegt sem gengur hefur á í þjóðfélaginu síðustu daga hefur gert mig sorgmædda. Þeir sem hafa fylgst með blogginu mínu og athugasemdum hjá öðrum vita hvað ég er að tala um. En þarn kom saman, veit ekki hversu margir, kem með tölu í dag. Allir jákvæðir og brosandi tilbúnir í að taka á málum.

 

Hafið það gott í dag


Næsta síða »

Höfundur

Anna Guðný
Anna Guðný

Langar að æfa mig í að setja saman texta. Sé til hvað ég gef mér mikinn tíma í það.

Sjálfstæður Herbalife dreifingaraðili. www.heilsufrettir.is/anna

Þeir sem vilja hafa samband má benda á netfang sem er: ollana@simnet.is

Heimsóknir

Flettingar

  • Í dag (29.3.): 0
  • Sl. sólarhring: 1
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Um bloggið

ollana

Innskráning

Ath. Vinsamlegast kveikið á Javascript til að hefja innskráningu.

Hafðu samband