Leita í fréttum mbl.is

Bloggfærslur mánaðarins, júní 2008

Frá henni Millu minni!

Fannst óþarfi að ég væri að búa til einhvern texta í sambandi við þetta og set því óbreyttan texta Millu bloggvinkonu á Húsavík hér inn.

Gerum okkar, gerum okkar, gerum okkar, gerum okkar besta

og aðeins meira ef það er það sem þarf. 

Fyrir svefninn.

Kæru landsmenn!
Fyrir svefninn að þessu sinni er
styrktarbeiðni til handa Andra Smárasyni!


Andri er 18 ára drengur sonur Smára Kárasonar og
Stefaníu Gylfadóttur í Breiðuvík á Tjörnesi.
Andri hefur í rúmt ár átt í hattrammri baráttu við
krabbamein.
Í dag standa málin þannig að Andri þarf að fara í
mergskiptingu til Svíþjóðar, og svo vel vill til að Sóley
systir hans er hinn rétti merggjafi.
Gert er ráð fyrir því að þau fari út í lok júní.
Ljóst er að þau þurfa að minnsta kosti þrjú að fara úr
fjölskyldunni út, vegna þessa. Búast má við að Andri og
móðir hans þurfi síðan að dvelja úti í 3 mánuði, allt eftir
hvernig meðferðin mun ganga.
Töluverður kostnaður er óhjákvæmilegur, sem fjölskyldan
er illa í stakk búin að mæta.
vegna þess hafa frænkur Andra, þær Sesselja Árnadóttir og
kolbrún Guðmundsdóttir opnað bankareikning til styrktar Andra
og fjölskyldu hans.
Reiknisnúmerið er 1153-15-201049
Kennitala        "   190267-5049.


Gaman að segja frá því að kvenfélagið Aldan á Tjörn stóð
fyrir styrktarkaffi í Sólvangi á sunnudaginn var sem sagt í gær,
og gekk það framar öllum vonum, öll innkoma gekk til Andra.
Söfnunarbaukar voru einnig á borðum.
Svona er þetta úti á landi þar sem allir þekkja alla,
þá er staðið þétt saman, en betur má ef duga skal.

Þess vegna kæru vinir og landsmenn allir, biðla ég til ykkar
styrkið þennan unga dreng, við höfum tekið okkur saman bloggarar
og það hefur verið komið af stað söfnunum fyrir fólk sem á um sárt að binda.
Svo núna er mikil þörf, gefum þessum unga manni, allt hjálpar.
Ég bið góðan guð að blessa Andra og fjölskyldu hans
og mun ég hafa hann í bænum mínum allar götur
.Heart


Hvar eru allir???

Ljósmæður flýja stéttina, sjúkraliðar flýja stéttina, kennarar flýja stéttina, leikskólakennarar flýja stéttina,  Örugglega fleiri sem flýja sína stétt en hvert fer allt þetta fólk. Er endalaust pláss í háskólum landsins? Er það ekki eini staðurinn sem mikið aðsókn er? Og færri komast að en vilja?

Bara að hugsa.


mbl.is Fjörutíu prósent ljósmæðra munu hætta
Tilkynna um óviðeigandi tengingu við frétt

Myrkfælni!

Var að lesa færslu hjá Tigercopper áðan þar sem margir tjáðu sig um myrkfælni. Var að hugsa um að commentera þar en vissi að það yrði svo langt að betra væri að skrifa bara sjálf. Málið er að ég var alveg óhugnarlega myrkfælin þegar ég var yngri. Það sem ég var hrædd í sveitinni t.d. að labba á milli bæja. Það var ekki eins hræðilegt að labba þangað eins og að labba heim.  Held að þetta hafi verið vegna þess að ég sá alltaf útiljósið þar á leið þangað en okkar útiljós var hinu megin við húsið. Þess vegna var leiðin löng þaðan og að landamerkjagirðingunni en þá var líka bara lækurinn eftir og ég var komin heim. Það eru ekki nema 100-200 metrar frá íbúðarhúsinu og suður að fjárhúsum en þetta voru margir kílómetrar í huga mínum ef ekki var ljós. En allt í þokkalegu lagi ef ljós var og ég tala nú ekki um ef einhver þessa heims stóð í dyrunum.

Þegar ég er sextán ára skellti ég mér á vertíð á Seyðisfjörð. Í Norðursíld. Það var alveg frábært að vera þar. Kynntist á fyrsta degi stelpum sem buðu mér að koma með í bíó um kvöldið og allt gott um allt fólkið að segja. En mikið hrikalega var ég myrkfælin. Ég fékk herbergi innst á ganginum við hliðina á draugaherberginum og það var ekki auðvelt að sofna á kvöldin. Samt voru tveir menn sem voru þarna innst á ganginum líka, annar ská  á móti og hinn á móti.  Það hefðu örugglega einhverjir viljað vera fluga á vegg þarna í herberginu mínu þegar ég var að fara að sofa á kvöldin. Ég liggjandi í rúminu, stjörf af hræðslu, með opin augu (þorði ekki að loka þeim) og taldi kindur. Alveg ótrúlegt að ég skildi yfirleitt hafa getað sofnað.

En ég var svo heppin að fremst á ganginum var hjónaherbergi með tvíbreiðu rúmi. Þar bjó stelpa sem var að vinna með mér. Hún var hálf myrkfælin líka og því bauð hún mér að sofa þar hjá sér. Nóg pláss í rúminu.  Ég man ekki núna hversu oft ég svaf þar en allavega nokkuð oft. Og svaf auðvitað mun betur en í mínu herbergi. Seinna komst ég að því að þessi stelpa væri lesbía. Jahérna, ég hafði sem sagt sofið hjá lesbíu um veturinn. En tek það fram að hún kom alltaf 100% vel fram við mig og aldrei sýndi hún mér neitt sem gaf þetta til kynna. Þannig að takk fyrir það B.

En áfram með myrkfælnina. Þarna um veturinn komst ég að því að ég yrði bara að gera eitthvað í málunum. Það væri ekki hægt að ferðast um landið með þennan böggul. Einhvernvegin tókst mér að sálgreina sjálfa mig og eftir þennan vetur leið mér mun betur. Enn þann dag í dag er ég svona smá en miklu minna og á allt annan hátt.

Endilega komið með fleiri sögur.

Góða nótt og eigiði ljúfa drauma.


BNA vs. Danmörk

Skil ekki alveg hvernig dómstóll getur leyft eitthvað á einkalandi. En annað sem ég var að pæla í og það er munurinn á kananum og dananum. Nei,flott það rímar.Þetta bara einfaldlega hlýtur að fækka bandarískum ferðamönnum til Danmerkur. Sjáiði ekki fyrir fólkið sem má ekki sjást bert að ofan heima hjá sér mæta á nektaströndina í Danmörku. En svo er annað í bandaríkjunum var bara talað um bert að ofan. Hvað gerist ef einhver mætir í bol einum fata?

Væri ekki rétt að fara milliveginn?


mbl.is Mega vera berrössuð á dönskum baðströndum
Tilkynna um óviðeigandi tengingu við frétt

Vá!!!!


Ráða þá í verkið í hvelli!!

Frábært að heyra þetta. Ætli þeir séu nógu fjölmennir til að taka að sér gæsluna á þessum tjaldstæðum? Það hlýtur að fylgja, eða var ég að misskilja eitthvað?
mbl.is SUS mótmælir aldurstakmarki á útihátíðum
Tilkynna um óviðeigandi tengingu við frétt

Skil ekki!

Ég hef verið ansi gjörn á það í gegnum tíðina að reyna að skilja og jafnvel dæma ekki gerendur í ýmsum málum. Kannski ekki í svona alvarlegum heldur meira þegar um einelti er að ræða og vitleysisgangur hjá unglingum. Hef oft komist að því að fortíð og æska var hörmuleg og þar kemur oft skýring á gjörðum á fullorðinsárum. Ekki afsökun, heldur skýring. En þetta er í fyrsta skipti sem ég lendi í þessu með dómstóla. ég get með engu móti skilið rökin í þessum dómi. Ég er ekkert að segja að þessi maður sé slæmur, veit ekki hver hann er. Og vonandi sér hann eftir þessu og getur haldið sér edrú. Eflaust hefði hann aldrei gert þetta fullur.En það er engin afsökun og kemur þessu bara ekki við. Hann hlýtur að eiga að bera ábyrgð á hegðun sinni. Að sparka í liggjandi mann hefur hingað til verið merki um algjöran aumingjaskap og hvað þá ef það er konan þín og það gerist á heimili ykkar.Getur einhver skýrt út fyrir mér hvað dómararnir hafa verið að hugsa? Vildi óska að ég skildi það. Ætli skaðabæturnar dugi fyrir sálfræðikostnaði? Væri gaman að vita líka.
mbl.is Réðist á sambýliskonu sína
Tilkynna um óviðeigandi tengingu við frétt

Ekki fattaði ég þetta!!

Ekki datt mér í hug að ég gæti grætt á brúðkaupinu minu. En ætli nokkur hefði keypt myndir, kannski verið hægt að pína pabba eða tengdaforeldrana til að splæsa í eins og eina mynd. Bara fyrir lúkkiðWink

En of seint að gera eitthvað í málinu núna


mbl.is Carey hættir við annað brúðkaup
Tilkynna um óviðeigandi tengingu við frétt

Hótelið okkar á Tenerife.

POOL 1

Myndir frá Gala hótelinu á Tenerife þar sem fjöskyldan eyddi síðustu tveim vikum.

 

TERRACE BAR AMAZONAS

Þessi mynd gæti verið tekin af svölunum hjá okkur. 100 metrar á ströndina.

 

Paddle_Pool1

 Barnalaugin.

M2578_TEN-Hotel-Gala-09

Ótrúlega glæsilegt.Okkar herbergi var ca. þetta aðeins til vinstri frá miðju., brúnn depill. Gætu verið dyrnar. Útsýnið jafnfallegt frá svölum og úr dyragáttinni.


« Fyrri síða | Næsta síða »

Höfundur

Anna Guðný
Anna Guðný

Langar að æfa mig í að setja saman texta. Sé til hvað ég gef mér mikinn tíma í það.

Sjálfstæður Herbalife dreifingaraðili. www.heilsufrettir.is/anna

Þeir sem vilja hafa samband má benda á netfang sem er: ollana@simnet.is

Heimsóknir

Flettingar

  • Í dag (29.3.): 2
  • Sl. sólarhring: 3
  • Sl. viku: 5
  • Frá upphafi: 201212

Annað

  • Innlit í dag: 2
  • Innlit sl. viku: 5
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Um bloggið

ollana

Innskráning

Ath. Vinsamlegast kveikið á Javascript til að hefja innskráningu.

Hafðu samband