Ráðagóður

Þetta er með jákvæðustu fréttum sem ég hef lesið lengi. Má ég panta eina svona á dag, takk? Þá meina ég jákvæða, ekki endilega um slökkviliðsmenn.

Köngulóarmaður bjargar einhverfum dreng

Copy paste Bloggarakaffi

Bloggarakaffi

Set hérna inn færsluna sem ég skrifaði fyrir nokkrum dögum um kaffihús og grill og fleira.

Við höfum svo gaman að því að hittast og skemmta okkur, bloggararnir hérna fyrir norðan að við verðum að hittast svona einu sinni í mánuði. Og því er komið að því laugardaginn 28. mars.

Meiningin er að vera á sama stað á sömu stundu og síðast þ.e.

Kaffi Karolína kl. 16.00

Ég mun hafa samband og biðja um að eitthvað verði af tertum handa okkur.

Svo er meiningin að skipta um laugardag þannig að næsti hittingur verði svo 2.maí.

Gaman að því mikill áhugi er hérna að nú þurfum við að hleypa að vaktavinnukonunum sem eru á "hinni vaktinni" svo þær geti verið með.

Næsti þar á eftir myndi vera 6. júní, er ekki þá kominn tími á hana Dóru vinkonu okkar á Laugum að standa við stóru orðin og bjóða í heimsókn?

Hvernig líst ykkur á þetta?

Frábært framtak.

Og það að þeir skuli endalaust ætla að bæta við. Við, ég og yngri börnin verðum með einn svona skika. Unglingurinn hefur mjög takmarkaðan áhuga. En ég efast ekki um að við eigum eftir að skemmta okkur með að fara þarna og vökva og svona. Gott að fá aðstoðina líka. Svo getum við kannski fært okkur í sveitina á næsta ári.

Matjurtagarðar rjúka út

Ánægð með þetta.

Mikið er ég fegin. Þetta er sko ekkert sjálfgefið. Frábært að heyra að þessi samvinna haldi áfram.

Landsvirkjun styður HA áfram

Ef ekki, hvað þá?

Ég sem hinn almenni borgari er að pæla í því hvernig þetta myndi þá virka.  En maðurinn að meina að þetta sé úrelt?

Markmið lögskráningar eru fimm.

1. Að tryggja að sjómenn hafi gild skírteini til þess að starfa um borð í skipi.
2. Að skip hafi gilt haffærisskírteini.
3. Að lögboðin áhafnartrygging sé í gildi.
4. Að tryggja sönnun fyrir því hverjir séu um borð í skipi hverju sinni.
5. Að siglingatími sjómanna sé skráður.

 Eða vilja þeir einhverjar aðrar reglur?

Þessi markmið hljóma ekki úrelt fyrir mig, væri gaman að fá álit  fleiri.

Lögskráning úrelt fyrirbrigði

Hvaðan eru þau eiginlega?

Stundum, svona í gegnum tíðina hef ég haft þá tilfinningu að þessir einstaklingar sem sitja í Mannanafnanefnd séu frá einhverri annarri plánetu en við hin. Þar sem allt önnur menning er og hugsunarháttur tíðkist.  Ákvarðanir þeirra, stundum,  eru svo langt fyrir utan/ofan/neðan minn skilning.Þó tel ég mig vera svona nokkuð "venjulega" þenkjandi í sambandi við þessi mál.

 

Eigið góðan dag.

Mannanafnanefnd klofnaði

Kostar ekkert!!!

Ég hef síðustu mánuði heyrt fólk oft spyrja hvar hægt sé að nálgast allt þetta fría sem er í boði. Það hafði kannski heyrt af einhverju námskeiði í íþróttum eða föndri eða hvað sem er.Svo man það ekki hvar það sá það.

Ég fór í kaffi til vinafólks í kvöld og fer þá ekki húsbóndinn að sýna mér heimasíðuna sem hann er að hanna. Allt sem er frítt samankomið á einum stað. Algjör snilld. Og hvað er veffangið? Jú: www.fritt.is

Getur ekki verið einfaldara. Endilega verum nú dugleg að hjálpa til þar, svo hægt sé að halda þessari síðu uppi. Því það er sko alveg öruggt mál að það er mikil þörf á að fólk geti farið inn á einn stað og fundið allt sem er í boði.

Ég á eftir að skoða hana betur en mér sýnist vera hægt  að setja inn fréttir þar. Ég ætla að skoða það betur. Er með svo jákvæða frétt af verslun hér í bæ sem mig langar svo til að deila með öðrum. Svo getum við keypt auglýsingu líka ef við viljum það.

Endilega farið inn og skoðið

Ég er farin í það líka

Hverju á maður að trúa?

Ekkert í sambandi við viðtalið, heldur bloggfærslurnar sem eru á undan mér. Annar segir: Fjári gott!!!

Þá næsti: Þvílíkt kjaftæði.

Þetta er sama fréttin.

Ég er komin í hring. Samt horfði ég ekki einu sinni á viðtalið.

Bankaleyndin gengið út í öfgar

Einn góður fyrir helgina

Sá þennan hjá henni Jónu bloggvinkonu minni og mátt til með að setja hann inn.

Grái fiðringurinn.

Ég horfði gagnrýnum augum á konuna, sem ég hef verið giftur í 30 ár og sagði:

 “Heyrðu elskan – fyrir 30 árum áttum við ódýra íbúð, ódýran bíl, við sváfum

á sófanum í stofunni, horfðum á 10 tommu svart/hvítt sjónvarp og á hverju

kvöldi iðkaði ég bólfarir með viljugri 25 ára stelpu.”

“Núna á ég 80 milljóna hús, 15 milljóna bíl, rúm á stærð við skeiðvöll og

50 tommu flatskjá – en þarf að sætta mig við það á hverju kvöldi, að fara í bólið

með þreyttri 55 ára konu. Ég fæ ekki séð að þú hafir haldið í við þróunina hér !

Ég verð samt að játa að ég á skynsama konu”.

Hún leit snöggvast á mig og sagði um leið:

“Ekki vandamálið : Drífðu þig bara út og finndu þér 25 ára viljuga stelpu !

Ég sé um að þú fáir hitt aftur: Ódýra íbúð, bíldruslu og ódýrt svart/hvítt sjónvarp !”

 

Er konan mín ekki frábær - Grái fiðringurinn hvarf á einu andartaki !!!

Framhaldsnám á framhaldsnám ofan!

„Það er hálfpartinn verið að hrekja stóran hluta þessa fólks úr landi," segir Friðbert en að hluti þessa fólks, um það bil þriðjungur, hafi hellt sér út í framhaldsnám. Síðan hefur einhver hluti þeirra, sem betur fer, stofnað eigin rekstur, segir Friðbert.

Ekki býst fólk við því í alvöru að á Íslandi sé endalaust hægt að háskólamennta fólk og allir fái starf við hæfi?

1.300 bankamönnum sagt upp