Manndómsvígsla.

Jæja, þá er ég búin að upplifa það að einhver nafnlaus óskráður dóni kúki yfir mig. Hann hafði alveg gleymt að þrífa skóna áður en hann steig á mig. Auðvitað henti ég því út sem hann skrifaði en eftir stendur að loksins hef ég skrifað eitthvað sem stuðar  einhvern svo mikið að hann sér ástæðu til að commentera svona hjá mér. Átti að vísu ekki von á því að það myndi gerast þegar ég skrifaði um amerískan  CSI leikara en svona er lífið, you never know. Manninum óska ég alls hins besta og vona að hann hafi þá fengið sína útrás í dag sem hann þurfti og komi því glaður og ánægður heim til fjölskyldunnar í kvöld.

Kveðja

Anna Guðný

p.s. Hvar fæ ég skírteinið?

 Hér er hann, vill einhver bjarga honum? 

Hann mætti of seint i vinnuna í gærkveldi!

Sá part úr  þætti í gærkveldi. Þar var hann líka í vandræðum í einkalífinu. Nýskilinn og í basli við að ja bara langa til að lifa. Mætti of seint á vakt og fékk snurpur fyrir.

En mér finnst þetta skemmtilegur leikari eins og mér finnst þau yfirleitt öll í þessum þáttum. Þau verða hálfgerðir heimilisvinir. Og ég sem gef mér yfirleitt ekki tíma til að kíkja á sjónvarp fyrr en  seint sé oft part úr þáttum en sest oftast og klára þá. Bara misjafnt hversu snemma ég dett inn.

CSI leikari handtekinn

Búin að panta minn.

Vissi ekki að hægt væri að fá mismunandi liti. En bíð spennt eftir mínum. Samt væri gott að vita hvað hann kostar.

Varagljái fyrir gott málefni

Sendum jákvæðar hugsanir!

Eyðum ekki dýrmætri orku okkar í karlinn. Hvað hann fær langan dóm, hvort hann sér eða sér ekki eftir þessu, hvort hann yfirleitt lifir eða deyr. Honum er nokk sama hvað við hugsum.

Hvernig væri að yfirfæra orkuna í jákvæðar hugsanir og senda öllum fórnarlömbunum í þessu máli. Við gætum meira að segja skrifað bréf og látið ganga, skrifað undir og sent til þeirra. Elisabeth Mamma hennar (á meðan ekkert annað kemur í ljós) og börnin hennar öll eru hetjur að hafa yfirleitt haldið þetta út.

Það er ótrúlegt hversu auðvelt börnin áttu með endurfundina og sömuleiðis hversu auðvelt móðir þeirra og amma áttu með að hittast á ný," sagði Berthold Kepplinger forstjóri sjúkrahússins.

Þau eru öll í bænum minu. Er að reyna að koma karlfauskinum þar fyrir líka en gengur ekki vel.

 

 

Endurfundir Fritzl-barnanna

Strákar í hasarleikjum.

Hér fyrir nokkrum dögum skrrifaði ég færslu um trukkabílstjóra og fleira. Var ánægð að flestu leyti með hana en þó fannst mér eitthvað vanta. Er þó ekki orðin nógu þjálfuð í skrifunum til að geta  breytt því en það kemur. Datt svo niður á blogg skrifað af Stefáni Þór Sæmundssyni

http://ss.hexia.net/faces/blog/entry.do?id=2886&entry=83239

Sem ég bið ykkur endilega að kíkja á og lesa. Hann er betri penni en ég en þessu er ég alveg ótrúlega sammála.

 

Láta þá þrífa upp eftir sig.

Ekkert annað sem dugar. Og standa yfir þeim á meðan, þannig að vegfarendur viti hvað um er að vera. Stoppar frekar af þá sem á eftir koma.

Röktu slóð krotaranna frá miðborg upp í Hlíðar

Halda bara tónleika.

Þau verða nú ekki í vandræðum með að stytta sér stundir. Slá bara upp tónleikum á staðnum.

Farþegar strand vegna vélarbilunar

Ætla rétt að vona.

Hef verið að velta fyrir mér öllum þessum sterku lýsingarorðum sen notuð hafa verið um föðurinn. Og finn í hjarta mínu ekkert orð sem ég gæti lýst honum með. Og hef eiginlega engan áhuga á að tala um hann. Það sem mér finnst meira áríðandi er að fórnarlömbin fá eins mikla og góða hjálp og mögulegt er .

Svo eru það örugglega margir aðrir , eins og t.d. nágrannar, bæði fyrrverandi og núverandi sem eru í sjokki yfir því sem gerst hefu. Eins go t.d. maðurinn sem hafði leigt í nokkur ár íbúð í húsinu. Hann skilur margt í dag sem hann skildi ekki fyrir nokkrum árum. eins og t.d. að hann hafði séð karlinn keyra hjólbörur með mat niður í kjallara og eins heyrt hljóð eins og bank. Eins var öllum hótað öllu illu ef þau kæmu nálægt dyrunum. Þetta fólk er allt að upplifa í dag: Bara ef ég hefði......

 

Píslarvættið í hryllingshúsinu

Grjótharðar perur.

Held að þetta hafi alltaf verið til staðar en við tölum bara um svo margt núna sem þótti engin ástæða til að nefna hér áður fyrr.

Var alveg í vandræðum á minni annarri meðgöngu með perur. Varð að fá allavega eina grjótharða og lítið þroskaða peru á hverjum . Man að maðurinn þurfti stundum að fara út að kveldi og redda mér. Alveg ótrúlegt hvað þessi elska lagði á sig til að halda mér góðri. Var eiginlega fegin að þetta var þó eitthvað hollt fyrst það þurfti að vera. En enn þann dag í dag finnst mér óþroskaðar vel grænar og harðar perur algjört lostæti.

Skrýtnar kenndir á meðgöngu

Heimanám

Réttið upp hendi foreldrar, sem finnst gaman að vera með börninum ykkar við heimanám. Það er nú svo skrýtið á þessu heimili að mér finnst valkirjan sem er í 1.bekk vera með mest heimanám. ´

En ég get alveg sagt ykkur að þetta er ekki og hefur aldrei verið mitt uppáhald. Og það hefur ekkert með tíma að gera. Er svo heppin að hafa verið heimavinnandi með börnin mín flest árin og hef því nægan tíma. Með þessu er ég ekki að segja að heimanámið sé of mikið, heldur bara finnst mér leiðinlegt að gera það með þeim. Yfirleitt allavega. Nema lestur . Alltaf verið gaman að hlusta á þau lesa. Enda báðar stelpurnar læsar þegar þær mættu í skóla og gaurinn var fljótur að ná lestrinum. Nú situr hann við hlið mér og les bókina Eva og Adam eftir Mans Gahrton. Ekki seinna vænna að lesa smá rómantík , hann sem er kominn á tíunda ár.

En það væri gaman að heyra skoðanir foreldra á heimanámi.

Eigiði góðan seinnipart.