Norska lagið að hætti Chipmunks

Minnihlutinn áberandi.

Það hefur farið nokkuð mikið fyrir þessum 10 % síðustu vikur. En svona er þetta. Mér finnst það nú alveg ótrúlegt að fólk skuli ekki láta það eftir sér og horfa á lagið, bara svona til að halda með okkar fólki. Ég t.d. hef engan áhuga á fótbolta en ég gæti alveg horft með öðru á landsleik í sjónvarpi, ef einhver minnir mig á. Ég gæti alveg hugsað mér að fara á landsleik ef ég væri stödd í Rvík sama dag. En að ég fari að sitja yfir öllum leikjum, það er af og frá.

Hafið það gott í dag.

83% þjóðarinnar fylgdust með Jóhönnu

Bloggarahittingur norðan heiða.

Hvernig er eiginlega með þetta fólk, fær það aldrei nóg af hvert öðru? Nei, það virðist ekki vera.

Meiningin var að halda grillpartý á Laugum hjá henni Dóru 6. júní. Það er ekki hægt þá helgi, því við sjómannskonurnar komumst að því að þetta væri sjómannadagshelgin. Og ef ég ætti að velja á milli þess að fara út að borða með eiginmanninum eða í grill á Laugum, já þið vitið hvað ég myndi velja.

Því partýji ætlum við því að fresta þangað til tveim vikum seinna eða 20. júní. Dóra, verður snjórinn ekki örugglega farinn þá?  Segi svona.

Það er ekki nokkur leið að við getum sleppt því að hittast í millitíðinni svo að meiningin er að koma saman um næstu helgi eða laugardaginn 16. maí.

Sami staður eða Kaffi Karolína í Listagilinu.

Verðum þó með þetta aðeins fyrr svo Eurovision aðdáendur hafi nægan tíma til að undibúa kvöldið

og byrjum því kl. 15.00

Nýjir þáttakendur velkomnir.

Hlakka til að sjá ykkur

Myndablogg

Sælt veri fólkið.

Ætlaði að setja inn myndir frá því í dag en komst svo að því að ég átti fullt af myndum sem ég gleymdi að setja inn um daginn. Set þær núna en hinar seinna.

Svona hefur Kisa  það gott eftir að hundurinn hvarf af heimilinu.

 

Eins og ég hef minnst á áður þá sömdum við hjónin við börnin sl. haust um að ekki yrði farið í utanlandsferð þetta árið, heldur myndum við fjárfesta í stóru trampólíni.

Það var keypt nú um daginn og eiginmaðurinn fenginn til að setja það saman.

Svona fékk pabbi góðar móttökur þegar hann kom heim af sjónum. Auðvitað vildi Arabia vera með.

 

En svo var hann sendur út í vinnu.

Vá, hvað þetta er stórt.

 

Tinna og Arabia að heilsast.

 

Stína (ná)granni að heilsa uppá.

 

 

 

Gaurinn og Arabia að taka nokkur spor.

 

Kisa að kíkja á kassann.

 

Þokkalega ánægð, systkinin.

 

Bekkjarfélagar unglingsins.

 

 

Er nokkuð gaman?

 

Góða vísa aldrei of oft kveðin.

Hefur alltaf fundist þetta svo flottur texti og fann þetta svo inni hjá henni Renötu bloggvinkonu minni núna og nappaði því handa ykkur að lesa.

 

 

Bill Gates hélt fyrirlestur fyrir unglinga í gagnfræðaskóla í Bandaríkjunum. Hann talaði um reglurnar 11 sem þau munu ekki læra um í skólanum.

Hann talaði um agaleysi og nýjar áherslur í kennslu sem munu skila nýrri kynslóð út í þjóðfélagið, dæmdri til að mistakast.

Regla 1: Lífið er ekki réttlátt, reyndu að venjast því.

Regla 2: Veröldinni er sama um þitt sjálfsálit. Allir ætlast til að þú áorkir einhverju áður en þú ferð að vera ánægð/ur með sjálfa/n þig.

Regla 3: Þú munt ekki þéna 4 milljónir á ári strax þegar þú útskrifast úr skóla og þú verður ekki framkvæmdastjóri fyrr en þú hefur unnið fyrir því.

Regla 4: Ef þér finnst kennarinn þinn strangur og erfiður, bíddu þangað til að þú færð yfirmann.

Regla 5: Að snúa hamborgurum á skyndibitastað er ekki fyrir neðan þína virðingu. Amma þín og afi áttu til annað orð yfir það að snúa hamborgurum. Þau kölluðu það TÆKIFÆRI.

Regla 6: Ef þú klúðrar, þá er það ekki foreldrum þínum að kenna svo hættu að væla og lærðu af mistökunum.

Regla 7: Áður en þú fæddist þá voru foreldrar þínir ekki svona leiðinleg eins og þau eru núna. Þau urðu svona eftir að hafa borgað fyrir uppeldi þitt, þvegið fötin þín, þrifið til draslið eftir þig og hlustað á hvað þú ert COOL og þau eru hallærinsleg. Svo áður en þú og vinir þínir bjarga regnskógunum og leysið heimsmálin, reyndu þá að taka til og koma reglu á herbergið þitt.

Regla 8: Það getur vel verið að skólinn útskrifi bæði sigurvegara og tapara en lífið gerir það EKKI. Í sumum skólum er hægt að taka sama prófið aftur og aftur. Þannig er þetta ekki úti í atvinnulífinu.

Regla 9: Lífið skiptist ekki í annir og þú munt ekki hafa frí öll sumur. Mjög fáir samstarfsmenn munu hafa áhuga á að hjálpa þér að finna sjálfan þig. Gerðu það í þínum eigin tíma!

Regla 10: Sjónvarpið er ekki raunveruleikinn. Í raunveruleikanum þarf fólk í alvörunni að yfirgefa kaffihúsið og fara í vinnuna.

Regla 11: Vertu NICE við nördana í skólanum, það endar mjög líklega með því að þú þarft að vinna hjá einhverjum þeirra.


fyio... eg var nord i skola....

 

 

Svo ætla ég að minna á blogghittinginn sem verður á morgun

Kaffi Karolína Listagilinu

kl. 16.00

Sjáumst

Eigiði góðan dag.

 

Þessi var heppinn!!

Er hægt að vera ólöglegri? Ég bara spyr.

En mikið var hann(ökumaðurinn) heppinn að ekki skyldi fara verr.

Oft  fólk á göngu þarna og krakkar á hjólum.

Mótorhjólaslys á Akureyri

Hvað getum við sjálf gert?

Ég er aðeins byrjuð að tala um þetta við börnin mín. Hef helst sagt þeim hvað við getum gert hérna heima.

Borða hollt, hreyfa sig og hvílast vel. Þetta með að hvílast er erfiðast fyrir börnin á þessum tíma árs. Ef þau fengu að ráða væru þau úti langt fram á kvöld. En það gengur auðvitað ekki ef á að vakna hress í skóla.

 Byggja upp ónæmiskerfið eins vel og hægt er. Vera eins vel undirbúinn og maður kann. Þá er meiri von á að maður fái þetta vægara eða sleppi. Borða  venjulegan mat. Lítið brasað kjöt, lítið brasaðan fisk.

Vera meðvitaður um hvað hvað maður er að  borða og taka bætiefni þar sem við á. Ég t.d. veit það að við erum ekki að fá nóg af omega 3 úr mat og verðum þar að leiðandi að taka það inn í töfluformi.

 

Hvernig væri nú að landlæknir gæfi út leiðbeiningar fyrir fólk? Bara svona venjulegt fólk eins og mig og þig?

Svarað það spurningunni:

Hvað getum við sem fjölskylda gert til að koma sem best út úr þessari flensu? Engan hræðsluáróður, bara leiðbeiningar sem allir skilja. Er viss um að fólk á miklu auðveldara með að höndla þetta og minni líkur á panik, bara ef fólk hefur hlutverk. Veit hvað það getur gert til að fyrirbyggja eins vel og hægt er.

Efast ekki um að það geri okkur mun hæfari í að taka á þessu þegar hún kemur svo hingað. Því hingað kemur hún, allir á ferðinni út um allan heim.

Einn sagði við mig að það væri alltof seint að byrja núna að fyrirbyggja, en ég hlusta ekki á það. Það er aldrei of seint að byrja á neinu góðu.

Hafið það gott í dag.

Of seint að hindra útbreiðslu

Moggabloggarakaffi

Sæl öll!

Nú er 2. maí að nálgast og þá er meiningin að við komum saman.

Laugardagur 2. maí kl. 16.00

Rub 23 eða Kaffi Karolína 2. hæð.

Endilega látið ganga og þið nýju sem ætlið að koma endilega látið vita af ykkur

 

Hlakka til að sjá ykkur.

 

Gleðilegt sumar!

Byrjuðum sumarið á að fara með valkirjunni og bekknum hennar í grillpartý í hádeginu.

Þar áttum við góða stund. Farið var í leiki og rifjaði voru upp leikir eins og: Fram, fram, fylking, Teygjó, Hollinn skollinn, sms leikinn sem er að vísu ekki gamall en samt skemmtilegur, eltingaleik og fleiri og fleiri.

Vorum svo með nokkra innileiki til vara ef ringdi, en það slapp á meðan við vorum þar.

 

Þarna er unglingurinn minn komin til að hjálpa, svo mömmurnar gætu verið inni í kaffi. Það var jafngaman á báðum stöðum.

Einbeitingin skín úr, ja allavega flestum andlitum.

 

Hafið það gott í sumar, það ætla ég að gera.

Allt í kringum mann

Og þetta heldur áfram á meðan fólki finnst þetta í lagi. Hvað eigum við hin að gera, láta vita eða þegja? Hvað finnst ykkur?

Mikilvægt að draga úr bótasvikum