Pirr,pirr,pirringur!

Ég er svo pirruð hérna. Er ekki einhver til í að senda mér fallegar, hugljúfar, enda vel sögur, ekki verra ef þær eru rómantískar. Eða bara brandara sem fá mig til að gleyma pirringnum og ég kemst í gott skap aftur. Það er hundfúlt að vera vera fúl.

Eigiði gott kvöld.

Eigum við að gera eitthvað í þessu?

Fjölmenna á bensínstöðvarnar og still okkur upp við tankana. hver er til í að skipuleggja svoleiðis?

Ég mæti, en þú?

Eigiði góðan dag.

Olíuverð lækkar enn

Strákar , smáhugmynd fyrir helgina!!

Tveir giftir sitja á barnum og eru að spjalla saman.

       ´Ég skil ekkert í þessu, í hvert skiptið sem ég fer heim af barnum þá
slekk ég á aðalljósunum á bílnum og læt hann renna hljóðlega inn í
innkeyrsluna. Ég passa að skella ekki hurðinni og læðist á sokkunum
upp stigann, fer úr fötunum áður en ég kem inní svefnherbergi og
leggst varlega í rúmið. Samt æpir konan mín á mig að ég eigi ekki að
koma svona seint heim því ég veki hana alltaf!'

'Iss' segir hinn. 'Þú ert að gera þetta alveg vitlaust. Þegar ég fer
Heim þá stilli ég á háu ljósin þegar ég kem inn götuna og skransa inn í
bílastæðið og flauta. Ég skelli hurðinni og hleyp upp stigann, hossa
mér uppí rúm, slæ hana á rassinn og segi HVER ER GRAÐUR?' 'Einhvern
veginn þá þykist hún alltaf vera sofandi.

Kominn 1. maí eitt árið enn.

Hvað þýðir það? Jú, kröfuganga í tilefni dagsins. Er þó löngu hætt að starfa sem verkamaður. Hef verið sjálfstæð í þó nokkur ár. En finnst alltaf viss sjarmi yfir því að mæta fyrir utan Alþýðuhúsið og ganga með fólkinu þennan spöl. Þekki marga, var mjög virk hér áður fyrr. Var trúnaðarmaður á fleiri en einum stað sem ég vann á. Var svo heppin að komast á mörg námskeið, bæði hérlendis og erlendis. Var t.d.  á Grænlandi í hálfan mánuð einu sinni. Upplifði helling þar sem ég á aldrei eftir að gleyma.

Það voru þrjú aukabörn í gistingu hér í nótt, Tvö í pössun og ein svona auka.

Prinsinn, 6.ára vinur okkar fær stundum að koma í heimsókn og gista.Og svo kemur hann líka annað slagið ef mamma þarf að fara á fund og svona. Hann á rosalega duglega mömmu sem fór í gærkveldi út með vinnufélögunum í keilu.Vona að henni hafi gengi vel. Hann var ekkert yfir sig ánægður með mig í gærkveldi. Hann kom nefninlega ekki fyrr en tölvutími barna var útrunninn hér á heimili. Og var ja við skulum segja ekki alveg sáttur. En hann borgaði mér það þrefalt til baka í morgun með að vera vaknaður kl. 06.20. Hallóóóó það er enn nótt. Og þvílíkt tilbúinn í tölvu. En sem betur fer náði ég að leggja mig aftur, og hálf dormaði svona. Gaurinn og valkirjan fóru hins vegar seint að sofa í gærkveldi og vöknuðu svo með prinsinum í morgun. Hmm... ætli verði nokkuð þreyttur seinni partur.

Er farin í kröfugöngu.

Eigiði góðan dag.