Þvílík heimkoma!

11.6.2008 | 12:56

Jæja, þá erum við komin heim og þvílík heimkoma.

Þvílíkur ilmur sem mætti okkur.

Rafmagnið hafði farið af íbúðinni og ísskápurinn að vísu í lagi og hafði verið hent úr honum en annað mætti mín þegar ég labbaði niður í þvottahús. Frystikistan ónýt og allt sem í henni var.Fnykinn lagði nett upp í eldhús.

Undirrituð gat ekki með nokkru móti týnt upp úr kistunni, það fór allt á fullt í maganum bara við tilhugsunina. Það kom því í hlut eiginmannsins og unglingsins að tæma hana og setja í poka. Þau fengu svo hjálp til að koma kistunni út. Ekki alveg upplögð í þetta eftir 18 tíma ferðalag.

Ég fékk svo mann frá tryggingunum í heimsókn í morgun og hann myndaði ísskápinn og skoðaði aðeins kistuna. Ákvað að treysta mér fyrir innihaldi pokana. Ég er svo búin að redda kerru og bílstjóra til að bakka en á eftir að finna tvo sterka til að lyfta kistunni.

Og þá er að finna aðra kistu. Ekki getur sjómannskonan verið frystikistulaus.

Allt í gangi í dag. Skrapp til tannlæknis áðan og hann dró úr mér eina. Ekki skrýtið að hún hafi verið að angra mig í ferðinni. Er þó fegin að ég beið þangað til ég kom heim. Deyfingar eru farnar að fara verr í mig eftir að ég varð "fullorðin". Er hálfskrýtin og best að ég leggi mig bara smástund.

Flokkur: Bloggar | Facebook

Athugasemdir

úff ekki góð heimkoma...vona samt að ferðin hafi verið góð..

Hrafnhildur Ýr Vilbertsdóttir, 11.6.2008 kl. 13:10

Velkomin heim.

Hólý mólý ekki skemmtileg heimkoma. Já það snar borgarsig að hafa nágrannavakt sko. Nágranni minn lenti í þessu í fyrra og það var slatti af kjöti sem fór í gáminn þar. En þó minna þar sem komið var framm á mitt sumar og byrgðir farnar að minnka. En hann ætlar að fá vakt og eftirilt næst þegar hann fer í vinnutúra einhverja daga. Það sló bara út rafmagninu sko ekkert alvarlegra en það.

Ég yrði nú illa stödd ef ég lenti í þessu sko enda með 5 fiskabúr, 7 frystikistur og 2 ískápa

En sendi hughreystandi kveður úr sveitinni.

JEG, 11.6.2008 kl. 13:13

Ég var með vakt en hún virkaði bara á efri hæðina af einhverri ástæðu. Þess vegna var ísskápurinn heill heilsu sjálfur þó innvolsið væri ónýtt. Við vorum einmitt með helling af fiski.Meira að segja bæði humar og skötusel sem átti nú heldur betur að setja á grillið í sumar.

En svona er þetta.

Anna Guðný , 11.6.2008 kl. 14:00

En bíddu, ég skil þetta með 7 frystikistur en 5 fiskabúr???

Anna Guðný , 11.6.2008 kl. 14:01

Velkomin heim Ég get a.m.k. sagt það þó að frystikistan hafi ekki tekið svona vel á móti þér. Ömurlegt að koma heim í svona..... en gott mál efa ð tyrggingarnar bæta þetta.