Og ég hló!

Bras og vesen!

Er að vesenast við að gera sjáanlegt videoið með Eurobandinu og þá hendi út færslunni um heppnina. Ekki heppin þar.

Kann einhver að ná í  færslu sem hefur verið eytt?

 

 

Annar í Hvítasunnu!

Það var Gunnukaffi hér hjá mér í gærkveldi.  Auk mín og Gunnu voru Fríða og Sigga Jóna.  Fleiri gátu ekki mætt, enda ákveðið með mjög stuttum fyrirvara og ekki allir heima um helgina. Kíkt var í bolla og þið getið ekki ímyndað hversu bjart og skemmtilegt er framundan hjá mér.  Einhver handayfirlagning var líka framkvæmd og var indæl samkvæmt venju.En mig svo sem grunaði það. Farið frekar seint að sofa.

Sofið vel í morgun og ekkert verið að rífa sig á fætur of snemma. Skelltum okkur í RL búðina í hádeginu og fjárfestum í einnota grilli. Hitti þar Helgu bloggvinkonu og lofaði henni myndum frá ferðinni. Svo var brennt upp í Hlíðarfjall og beint upp í göngukofa.

Þar var kveikt á grillinu strax, börnin auðvitað svöng.

 

Við fengum gesti í heimsókn.

 

Svangir strákar á tryllitækjum. Háin þrjú, Halldór,Hafþór og Heiðar. Man þó ekki hvor bróðurinn er hvor.

Eins og sannri húsmóðir bauð ég þeim í mat og unglingurinn skellti pylsum á grillið fyrir þá og voru þeir ekkert smá ánægðir.

Á meðan þeir kláruðu að borða skrapp ég með börnin mín að máta sætin á tækjunum.

 

Valkirjan á bílnum.

 

Gaurinn á fjórhjólinu.

 

Unglingurinn mátti til með að máta líka.

 

Tekið í átt að  skíðahótelinu. Snjórinn hverfur smátt og smátt.

En þó nóg eftir til að skíða á.

Gaurinn sökk í snjó og gat ekki hugsað sér að fara í stígvélið og var því borinn niður í bíl af unglingnum og ungfrú Breiðfjörð.

 

Sem sagt góður dagur í dag. Eins og flesta daga.

 

Dagurinn í dag.

Líf og fjör á heimilinu þessa dagana.  

Við dreifingaraðilar fengum góða heimsókn á gær, laugardag., Sylvia okkar alla leið frá Selfossi og svo austfjarðardrottningarnar Diana Mjöll frá Eskifirði og Solla frá Stöðvarfirði. En einnig skjellti Halldóra Ósk sér yfir fjöllin norður um heiðar frá borg óttans. Hún er heppin kona og hún veit af hverju. En frábært að fá þær í heimsókn. Takk fyrir okkur stelpur.  

Ég skrapp heim í hádeginu og hitti þá á leiðinni fermingarbarnið sem við vorum að fara í veisluna til seinni partinn.

Athöfnin í kirkjunni var búin að hún beið eftir veislunni.  

Eftir fundinn hittumst við Akrueyrarmeyjar og réðum ráðum okkar.

Veislan var auðvitað frábær, eins og við var að búast.

Komum heim eftir kvöldmat og þá var lítið annað en sjónvarpsgláp,  

 allavega hjá hluta af fjölskyldunni. Ég er að upplifa það oftar og oftar nú seinni partinn í vetur að gaurinn situr við bíóáhorf á laugardagskvöldum. Ekki gerst áður. En þetta fylgir því víst að eldast. Í gærkveldi var það Herbie. Voru ekki liðnar margar mínútur af myndinn þegar ég var farin að heyra hlátur. Segiði svo að það sé ekkert gaman að Rúv.

Mikið var yndislegt að geta sofið út i morgun.   Gaurinn var vaknaður um áttaleytið og ég var nú fljót að leyfa honum að fara í tölvuna. (stundum eru þær til góðs .    

 Sofnaði sjálf aftur og vaknaði svo upp við gemsann.   Svaraði og fékk:  Hver er þetta? Nei blessaður ...... Fékk sms stuttu seinna: Sorry ..... Var að fikta í símanum. Næs takk fyrir að vekja mig. 

En allt í góðu, var kominn tími á að fara á fætur.

Við , ég og unglingurinn fórum í þvottadeildina.   

Nú er byrjað að skoða hvað á að nota á Tenerife og hvað ekki. Þær systur eiga að passa að setja ekki neina leiðinlega bletti í neitt sem á að fara með út. Annars bíð ég eftir því sem ég keypti á kynningunni í síðustu viku. Á víst að vera algjört galdratæki í sambandi við leiðinlegu fitublettina sem ég er stundum í svo miklum vanræðum með að ég hef hent flíkum sem ég gefst upp á.

Skruppum á rúntinn um hádegið. Ætluðum að skoða hvað væri opið og hvort eitthvað spennandi væri að sjá. Enduðum inni í Jólahúsi.  

 Notaði tækifærið að kaupa tvo jólasveina. Ég nenni ekki að kaupa bara einn á ári og svo loksins eftir tíu ár  og ég er komin með alla sveinana, þá eru börnin farin að heiman, allavega þau fyrstu.

Við vorum komin með hjónakornin og köttinn og nú var fjárfest í tveim fyrstu sveinunum.

Svo er það önnur fermingarveisla í dag. Og þá eru þær nú búnar þetta árið.

Gaman að sjá hvernig kemur út að setja svona marga kalla. Bara að prófa.

Hafið það gott í dag.

Sært stolt.

Blessaður kallinn, ekki enn búnn að jafna sig á því að hafa ekki unnið.  

Annars að Eurobandinu: Frábært lag, frábært video og þau öll bara frábær.   

Nóg fyrir mig.

Gangi þeim vel. Vona að þau komist upp í aðal. Ef ekki, samt frábær.

Skilja ekki Júróvisjón

Skemmtileg mismæli nr. 3.

                      Ég sá svo sætan strák að ég fór alveg fram hjá mér...

                Ég var svo þreyttur að ég henti mér undir rúm...

                Hann sat bara eftir með súrt eplið...

                Og, nú, góðir farþegar, er einmitt fengitími melóna...

Fleiri mismæli!

                 * Allt fór afsíðis sem gat farið afsíðis...

               * Þessi peysa er mjög lauslát...

               * Þau eiga þvílíka myllu, lifa eins og greifingjar og leika
                       á als eggi.

               * Hann sló tvær flugur í sama höfuðið...
              

Skemmtileg mismæli!

Eftirfarandi eru skemmtileg mismæli sem heyrst hafa á
                   opinberum vettvangi...

Kann einhver þau réttu?

 

 

Það er ekki hundur í hettunni.

Það er ljóst hver ríður rækjum hér.

Þetta er ekki upp í kött á nesi.

Mér er nú ekkert að landbúnaði

 

Þetta eru þau fyrstu, kann einhver þau réttu?

 

 

Vandamálatréð!

Smiðurinn sem ég réð til að hjálpa mér að gera upp gamalt sveitabýli, hafði
nýlokið erfiðum fyrsta degi í vinnunni. Hann var klukkutíma of seinn í
vinnuna vegna þess að það sprakk dekk á bílnum, rafmagnssögin hans gafst
upp, og nú neitaði forni pallbíllinn hans að fara í gang. Meðan ég keyrði
hann heim, sat hann við hlið mér í steingerfðri þögn. Þegar við vorum
komnir, bauð hann mér inn til að hitta fjölskylduna. Þar sem við gengum að
útidyrunum, stoppaði hann stuttlega við lítið tré og snerti trjágreinarnar
með báðum höndum. Eftir að hann opnaði hurðina, varð á honum undursamleg breyting. Sólbrúnt andlit hans rifnaði í brosi og hann faðmaði börnin sín
tvö og kyssti konuna sína. Seinna gekk hann með mér að bílnum mínum. Við gengum framhjá trénu og forvitnin náði tökum á mér. Ég spurði hann um það
sem ég hafði séð hann gera fyrr um kvöldið. "Æ, þetta er vandamálatréð mitt," svaraði hann. "Ég veit að ég kemst ekki hjá vandamálum í vinnunni, en  það er eitt sem víst er, að þau eiga ekki heima á heimili mínu hjá konu  minni og börnum. Þannig að ég hengi þau á tréð þegar ég kem heim á kvöldin.

Síðan tek ég þau aftur af trénu á morgnana." "Það skrýtna er,"
sagði hann og brosti, "að þegar ég kem út á morgnana og tek þau upp, þá eru þau ekki  næstum eins mörg og mig minnti að ég hefði hengt upp kvöldið áður.

"Og nú er bara að velja sér tré... :) 

Eigiði góðan dag í dag.

Helgin.

Búin að afreka heilmikið um helgina.

Á föstudagskvöldið fékk valkirjan bekkjarsystur sína í gistiheimsókn. Þær sofnuðu ekki fyrr en seint en voru samt vaknaðar fyrir allar aldir. Ég fékk svo nokkrar stelpur í heimsókn í brunch. Við vorum allar að vinna saman og sátum við sama borð á ÚA hérna um árið. Þrjár af fimm mættu og áttum við mikið skemmtilega stund hérna. Ýmislegt rifjað upp og helgið. Ákváðum meira að segja að fara að hittast mánaðarlega í haust. Gera svona saumó. Og hugsiði ykkur bara , ég orðin 45 ára og aldrei verið í saumaklúbb.

Gaurinn skellti sér til Dalvíkur og gisti þar hjá Heiðari vini sínum. Þá þótti unglingnum tilvalið að reyna að koma litlu systur sinni einhvert i gistingu líka. Þannig að valkirjan fór heim með Gerði og Eygló og eyddi nóttinni þar. Þá þóttist nú unglingurinn vera kominn í góð mál. Um daginn var nefninlega gaurinn einn heima með mömmu og hún bauð honum út að borða. Á Plaza. Ekkert smá nafn og staðurinn kannski ekki alveg eins stór og nafnið en fínn þó.

Nú var sem sagt kominn tími á að mamma biði henni út að borða. Og hvert fórum við? jú, á Plaza.

Bara eins og það séu ekki fleiri staðir hérna. Víð kíktum svo í heimsókn til Guggu og Konna á eftir og horfðum það aðeins á Hlustandaverðlaun FM 957. Palli var auðvitað mjög flottur og Regína Ósk líka. Er ekki að átta mig á þessari Sprengjuhöll en ég á víst ekki að skilja það. Egill og félagar, ja við vitum i hverskonar partýjum svona tónlist er leikin.Svo líst mér vel á röddina í tveim þarna sem voru tilnefndar til nýrra og það var Dísa og svo náði ég ekki nafninum á hinni. Flottar ungar stelpur sem eru að koma og svo eigum við margar flottar fyrir líka.

Þegar heim kom var ákveðið að splæsa á eina mynd á Skjánum og varð myndin No Resevation(ca skrifað svona) fyrir valinu. Var búin að sjá hana auglýsta áður og leist vel á.  Og við mægður urðum ekki fyrir vonbrigðum. Nokkur tár á stangli, oft brosað, nokkrum sinnum hlegið, stundum krútt,krútt. Allur pakkinn sem sagt.

Náði að sofa í 7 tíma samfellt í nótt. Ekki algengt. Var mætt upp úr tólf á hádegi að sækja valkirjuna og mæðgur og farið í sund á Laugarland á Þelamörk. Passlega margt og fínt að slaka á.

Ætluðum svo að kíkja á markað þar sem heldri borgarar eru að sýna og selja handavinnuafrakstur sinn. En vorum svo svangar að við þurftum heim að borða fyrst. En það varð til þess að við nenntum ekki út aftur. Systkinin úr Holtagötunni komu svo í smá heimsókn hingað seinnipartinn á meðan mamma skrapp á tónleika.

Gaurinn kom úr Dalvíkinni þvílíkt ánægður með ferðina. Fékk grill í gær sagði hann og borðaði meira en hin. Ekkert smá flott fyrir hann að komast eina og eina nótt í heimsókn.

Vígði áðan brauðvélina sem ég keypti um daginn. Tókst svona líka vel. Bara hvítt brauð núna en svo er þá bara að leita eftir betri og hollari uppskriftum. Verður gaman að prófa sig áfram.

Annars er bara rólgt kvöld framundan. Börnin eru svo þreytt að þau fara snemma að sofa. Ég ætla að skreppa á kynningu og sjá hvort ekki sé eitthvað þar sem ég ómögulega get verið án. Bara gaman.

Annars bara eigiði gott kvöld og frábæra vinnuviku.