Hef ekki vitnað oft í...

vinstri græna hingað til. Er þetta málið?

 

 

Ásmundur Einar Daðason, þingmaður Vinstrihreyfingarinnar græns framboðs, steig í pontu og sagðist hafa haft af því nokkrar áhyggjur sem fram kom í Morgunblaðinu í morgun um kröfur Þjóðverjanna. ,,Þetta stemmir mjög vel við það sem sendiherra ESB hér á landi og fleiri hafa haldið fram, sem er að aðlögunarferlið taki jafnlangan tíma og Ísland vilji taka í það," sagði Ásmundur. Það er að segja að því fyrr sem Íslendingar létu undan kröfum ESB um stefnu sína í helstu málum, því fyrr myndi það fá inngöngu í sambandið.

 

Gefa eftir með allt það sem hinir vilja stjórna hér á landi og þá fáum við að komast í þennan unaðsreit, ESB?

Hvað haldið þið?

Vilja ESB-málið á dagskrá

Máttur auglýsinga.

Segið svo að auglýsingar hafi ekki áhrif. Svo á eftir að koma í ljós hvort eitthvað kjöt sé á beinunum.

Mest fjallað um Sjálfstæðisflokk

Guð blessi Reykjavík

og okkur hin líka.

„Besti Sam“ óskar eftir betra nafni á meirihlutann

Hm... jú það tókst

 

Finnst þetta svo frábært framtak og skemmtileg auglýsing.

Aulahrollur!

Hef alltaf annað slagið verið að velta fyrir þessu fyrirbrigði, aulahrolli. Þetta er svona tilfinning sem kemur upp. t.d. þegar maður horfir á fréttirnar í sjónvarpinu. Einhver segir eitthvað og þú ferð alveg í kerfi. Í raun skammast þín fyrir hans/hennar hönd.

Ég man alltaf eftir því þegar Sverrir Stormsker fór í Eurovision fyrir hönd Íslands. Ég var með í maganum marga daga áður. Ég var svo viss um að hann yrði okkur til skammar. Myndi gera einhvern skrambann af sér í beinni. Ég var þá að vinna á skemmtistað. Kom frekar snemma í vinnu þetta kvöld því keppnin hafði verið auglýst á tjaldi. Held svei mér þá að ég hafi haldið í mér andanum rétt á meðan þeir tóku lagið. Og það sem mér létti á eftir. Ég var fyrirfram komin á algjöran bömmer en sem betur fer þá kláruðu þeir lagið á óaðfinnanlega hátt.

Ég hef oft fengið þessa tilfinningu síðan en finn þó að þetta er eitthvað að þroskast af mér. Ástæðan fyrir því að mér datt þetta í hug í kvöld var að ég sá auglýsingamyndbandið áðan.

http://vimeo.com/icelandinspired

Nú hamast misvitri menningarpostular við að lýsa fyrir okkur tilfinningu sinni (aulahrolli) við að horfa.

Lýsingar eins og: Vandræðalegt, glatað, aldrei séð þessu líkt, vona að það sé ekki hægt að deyja úr aulahrolli. Eflaust mun fleiri.

 Mér aftur á móti fannst þetta video bara skemmtilegt. Við horfðum á það saman, ég og unglingurinn, og höfðum gaman af .

Aulahrollinn hef ég hinsvegar verið með nánast non stop síðustu daga og vikur út af pólitíkinni.

En það er annað mál. Það reddast.

Malbikunarrotta

Á dauða mínum átti ég von frekar en að ég yrði einhverntímann kölluð þessu nafni. Ég á vinkonu sem býr í 101 Rvík. Kalla hana stundum miðbæjarrottu. Meina það allt í góðu. Ætla því að ákveða hér með að þessi maður hafi verið að meina þessa nafngift á svipaðan hátt.

Over and out

Væri gaman að vita ...

hvaða aðferð bóndadurgar nota til að minnast látinna forfeðra?

Veit að þessi athöfn var haldin á allan hátt af virðingu við íslenska fánann en verð að viðurkenna að þetta endaði á mjög fyndinn hátt.

Flott munstur sem hann gerði þarna í restina.

Íslenski fáninn brenndur á Youtube

Endalaus samanburður

getur aldrei verið af hinu góða. Það er nefninlega hægt að eyðileggja heilu fjölskylduboðin með þessu. En þá er stóra spurningin: Hvort kemur á undan, eggið eða hænan?

Ég held nefninlega að þeir sem eru endalaust að bera sig saman við aðra, eru oftar en ekki að öfundast út í þá. Þeim líður nefninlega oftar en ekki illa áður og eru þess vegna að þessum samanbrði þeim í óhag.

Skiljiði hvað ég meina?

Launasamanburður leiðir til óhamingju

Þórsararnir tóku þetta.

Gaman að pæla í því.

Sögulegur stórsigur L-listans

Það er málið

Þetta var úr þeirra höndum strax eftir undaúrslitin. Þau stóðu sig öll frábærlega vel.

Eitt er þó alveg öruggt, held ég. Þau stig sem við fengum, fengum við út á lagið og flutninginn en ekki nágrannavinskap, lénsherra hræðslu virðingu eða þakkir fyrir þróunnaraðstoð.

Eða hvað heldur þú?

Svona er þetta bara