Líf og fjör.

Eins og ég sagði í færslu fyrr í vikunni, þá var heilmikið prógramm hjá mér í vikunni. Á þriðjudagsmorgun fórum við að hjálpa Guggu frænku og fjölskyldu við að flytja úr bænum.

Kannast einhver við svona?

Hér er Gugga sjálf og fleiri.

Svo seinni part dagsins skelltum við okkur út á Svalbarðsströnd. Þar komu saman hópur fólks sem hafði verið á sama hóteli á Tenerife í vor. Ég hafði nú rekist á flesta síðan þá en þó ekki alla.

Það þurfti ekki teppi á Tenerife. Heiða, Hreiðar og Harpa.

Gaurinn og Neró í leik.

Flott umhverfi.

Alltaf gaman í pottinum.

Tveir alveg búnir á því.

 

Á miðvikudagskvöldið var ég svo heppin að vera boðin í kvöldverð. Hér á landi eru í heimsókn fólk frá vesturheimi. Eini karlmaðurinn í  hópnum er sem sagt frændi minn, Hann Eric.

Eric og Karin. Við Eric erum þannig skyld að langa- langafi minn, Jón Jónsson frá Mýri í Bárðardal flutti til Kanada með átta af níu börnum sínum. Dóttir hans, Áslaug, er amma Erics. Elsta dóttir Jóns, Aðalbjörg var gift og hafði hafið búskap á Mýri svo hún varð eftir. Það er langamma mín. Karin þessi er ættuð frá Borgarfirði.

Hér kemur svo Joan. Mjög flott kona. Getur rakið ættir sínar til Helga magra. Hún starfar sem rithöfundur og sagnaþulur.

Ég náði ekki nafninu á þessari en þær tvær síðast nefndu eiga ættir sínar að rekja hingað til Akureyrar.

Virkilega skemmtilegt kvöld. Mikið spjallað og mikið hlegið.

Í gær fimmtudag átti svo gaurinn minn afmæli. 10. ára. Til hamingju með daginn í gær kallinn minn. Valkirjan á afmæli seinna í mánuðinum, svo við slógum saman í eina veislu fyrir fjölskylduna. Fullt af gestum. Mikið borðað, mikið spjallað, mikið hlegið.

Krakkana langaði svo í flottar afmælistertur, svo leitað var til vinkonu í hverfinu sem er snillingur að baka. Og þetta er útkoman. Takk kærlega fyrir okkur Guðrún.

Gaurinn valdi þessa.

Þessa fékk valkirjan.

Afmælisbörnin.

Afmælissöngurinn tekinn.

Líf og fjör í útileikjum.

 

 

Leikurinn berst yfir á næstu lóð. Af hverju? Jú, þau eiga stærra trampólín. Stína min, komu margir?

Alltaf líf og fjör í Ránargötunni.

Athugasemdir

[JEG, 15.8.2008 kl. 21:25]

Vá ég er alveg uppgefin eftri lesturinn á þessu bloggi hehehehe...... Flytja og svo ferðalag og afmæli ......o gþað engin smá veisla kona góð.

Jæja er einhver orka eftir í kallinn ??? hahahaha....

knús og klemm úr sveitinni mín kæra.

[Anna Guðný , 15.8.2008 kl. 22:01]

Nóg orka eftir í honum. Annars átti hann að fara á sjóinn á morgun, það var nú þess vegna sem við drifum í fjölskylduboðinu. En svo seinkar því eitthvað fram yfir helgi.

[Helga skjol, 15.8.2008 kl. 22:20]

Vá, ekkert smá mikið að gera hjá þér þessa vikuna mín kæra og ekkert smá flottar afmæliskökur, ég er einmitt búin að vera standa í bakstr í gær og í dag fyrir afmælisveislu kúts, reyndar síðbúna en veisla þó.

Knús á þig og þína inní helgina

[Anna Guðný , 15.8.2008 kl. 22:52]

Já Helga mín. N'og að gera hér en það þýðir líka að tíminn er svoooo fljótur að líða að sumarið er búiðáður en ég veit af. Náði sko ekki að gera allt sem ég vildi og gerði þó helling.Hvenær átti kúturinn afmæli?

Sömuleiðis eigðu ljúfa helgi

[Hrafnhildur Ýr Vilbertsdóttir, 15.8.2008 kl. 23:20]

mmmmm girnilegar kökur...til hamingju með börnin.

[Unnur María Hjálmarsdóttir (IP-tala skráð) 15.8.2008 kl. 23:29]

Til hamingju með börnin. Mikið er gaman hjá þer.     Er að hlusta á sænskan þátt í T.V.

[Anna Guðný , 16.8.2008 kl. 00:52]

Krumma. Takk fyrir það. Ofsalega flottar kökur já og gott að eiga góða að, þegar maður kann eitthvað ekki sjálfur.

Unnur: Takk. Já mjög gaman að vera til, svona yfirleitt. En nú er líka skólinn að byrja eftir viku. Sumarið , sem var rétt að byrja.

Ertu með sænsku stöðina? Ég þarf að hætta núna, var að láta plata mig að taka Stöð 2 aftur. En tek kannski pakkann aftur um jól.

[Unnur María Hjálmarsdóttir (IP-tala skráð) 16.8.2008 kl. 00:56]

Nei eg er ekki með sænska stöð þetta var á gömlu eittunni..  Ertu búin að sjá að söngurinn okkar var í síðasta sinn 050808??

[Anna Guðný , 16.8.2008 kl. 01:08]

Já, ég sá hluta af endursýningu. Þemað var Abba. Rosa flott. Björn var á píanóinu. Nennirðu að athuga hvort kannski á eftir að endursýna aftur?

[Anna Guðný , 16.8.2008 kl. 11:45]

Auðvitað var það Benny sem var á píanóinu, er það ekki? Þykist vita eitthvað um Abba og veit svo ekki hvor er hvað.