Bara mínútur eftir og ég slepp ennþá.

Ég átti nú ekki von á að ég slyppi við gabb í dag. Ég er svo gott fórnarlamb. Ég gleymi þessu alltaf. Börnin höfðu meiri áhuga á því hvað gerðist í skólanum heldur en að plata mig.

Annars hefur dagurinn í dag helst farið í bókhaldið. Alltaf jafngóð tilfinning þegar búið er að ganga frá reikningskrifum mánaðins og virðisaukaskattinum og skattinum. Færi svo bókaranum allt heila klabbið á morgun og auðmingja Gulla fær það verkefni að greiða úr flækjunni. Segi svona. Hún er svo klár, getur allt. Er að upplifa það í fyrsta skipti að fara með launamiða barns.Skrýtið að börnin skuli eldast svona, ég sem yngist bara.

Það var virkilega gaman að sjá mótmælin hérna í dag. Hjalteyrargatan örugglega aldrei verið svona þéttsetin bílum.Svo eru margar hliðar á þeim pening eins og öllum. Sumum finnst  nú hálfhallærislegt að sjá jeppakallana á leiktækjunum sínum og svolítið fyndið að ég kíkti svo á  myndbandið frá mbl og er þá ekki talað við mágkonu mina þar. Má því trúlega ekki segja neitt slæmt  um jeppakallana. Jú,jú hún þolir það.

En  nú er ég búin að sitja við tölvuna á fundum í allt kvöld svo það er víst best að fara að kíkja á koddann.

Góða nótt þið sem enn eruð vakandi.

Eigið ljúfa drauma þið sem eruð sofandi.

 

Athugasemdir

[Róslín A. Valdemarsdóttir, 2.4.2008 kl. 00:21]

STÓRA SALERNISMÁLIÐ MÁ FINNA HÉR:

http://horn.is/index.php?option=com_content&task=view&id=941&Itemid=1

Alltaf erum við svo miklir djókarar hér á Höfn! Það er húmor í okkur

[Anna Guðný , 2.4.2008 kl. 00:26]

Sá eitthvað um það í kvöld. Það er nú ekki fallega gert að plata lögguna svona.

[Róslín A. Valdemarsdóttir, 2.4.2008 kl. 00:29]

Það má nú vel hreyfa smá við þessum löggum, gera nú ekki margt á daginn!

[Helga skjol, 2.4.2008 kl. 06:11]

Anna ég held að ég hafi mætt þér í gær við Bjarg,passar það ekki,jú ég er á bláum MMc outlander,svaraði þér reyndar líka á minni síðu en allur er varin góður hehe .