Hvorki betri né verri.

Ekki veit ég hvenær fólk ætlar að fara að skilja það að íslendingar eru hvorki betri né verri en aðrar þjóðir. Flest sem er gott annarstaðar finnst hér og flest sem er slæmt annarstaðar finnst hér líka. En vegna smæðar okkar og svo líka t.d. mikillar tölvunoktkunar þá berast allar fréttir mjög hratt.Ég veit alveg að einhverjir atvinnurekendur hér á landi hafa komið mjög illa fram við erlenda starfsmenn sína og er mjög slæmt. En er það eitthvað betra í öðrum löndum? Hvað vorum við að heyra frá Noregi? Eða frá Danmörku í sambandi við unglinga af annarri kynslóð innflytjenda? Eða framkoma stjórnvöld í Færeyjum við sína eigin landsmenn ef þeir eru samkynhneigðir? Ég held áður en lengra er haldið að við ættum kannski að spyrja okkur sjálf, viljum við vera betri en aðrar þjóðir og kannski líka er það eitthver skylda okkar að vera það? Viljum við að betur sé komið fram við okkur? Útlend eða ekki? Viljum við að komið sé betur fram við börnin okkar? Ég held að við ættum að byrja á því að spyrja okkur sjálf að þessum spurningum og svo ef einhver er tilbúin að starta svona samtökum, nú eða setja það á stefnuskrá sína þá er ég fyrst til að skrá mig. Ég held nefninlega að í þessu eins og öllu ðöru þá verðum við að byrja á okkur sjálfum.

Samkeppni um erlent starfsfólk