Eins gott að vera með þetta á hreinu.

Ég vissi þetta ekki með potið. Eins gott að eini maðurinn sem ég hef potað í er eiginmaðurinn. Ætlaði nefninlega að sjá hvað gerðist, en sá ekkert gerast svo ég hef ekki gert þetta aftur.

Pot og daður á Facebook orðið að sambúð

Fjölmiðlar á Akureyri og í Eyjafirði.

Ég fór á hádegisfyrirlesturinn KA heimilinu í dag. Að þessu sinni voru gestir fjölmiðlamenn á Akureyri. Björn Þorláksson sem einhverjir muna eftir frá Stöð 2 heitinni, allavega á Akureyri. Þar kom líka Kristján Kristjánsson frá Vikudegi og Þorvaldur Jónsson frá N4.

Til að byrja með fóru þeir svona yfir stöðuna eins og hún er í dag. Ég var ekki búin að gera mér grein fyrir því hversu mikil fækkun t.d. væri í þessari atvinnugrein.

Á meðan Morgunblaðið var sem stæðst voru 6 starfsmenn á skrifstofunni hér, sumir í hlutastarfi, en samt 6. Það er 1 í dag. Veit ekki hversu hátt starfshlutfallið er. Það var lengi vel starfsmaður hjá DV. Veit ekki til þess að nein starfssemi sé hér lengur. Það var 1. hjá Fréttablaðinu, enginn lengur. Það stóð til að leggja niður svæðisútvarpið. Sem betur fer var það stoppað. En fréttamanni ríkissjónvarpsins er búið að segja upp. Björn Þor. var fréttamaður hjá Stöð 2 en honum var sagt upp á sama tíma og samningi við sjónvarpsstöðina N4 var sagt upp í haust. Hafði sá samningur í raun bjargað því að sjónvarpsstöðin var á réttu róli peningalega en mátti engu muna. Auglýsingatekjur hafa auðvitað hrunið hjá þeim eins og öðrum. N4 sendir ekki út lengur nema skjáauglýsingar og frá bæjarstjórnarfundi.

Þetta eru fjölmiðlarnir en svo þegar var farið að tala um auglýsingabransann þá leit það enn verr út. Það er fullt að fólki í Eyjafirðinum sem er að auglýsa en það eru litlu upphæðirnar, almennt.

Annars erum við meira og minna útibú frá Reykjavík og nágrenni. Stórmál er að fá auglýsingar hér í bæ, heldur þarf að hringja suður og þá jafnvel á einhverja auglýsingastofu. Þú getur nú rétt ímyndað hér hvort einhver Jón eða Gunna í Reykjavík hefur einhvern áhuga á hvort íþróttalið hér norðan heiða stendur eða fellur. Ég myndi líka trúlega líta mér nær í þeirra sporum.

Hvernig líst ykkur á og hvað er til ráða?

Nú er ég ennþá ákveðnari að versla mest við þau fyrirtæki hér sem trúlegast er að peningarnir verði eftir í héraði. Með fullri virðingu fyrir SS þá kaupi ég frekar frá Norðlenska eða Kjarnafæði.

Fljótt á litið er Ljósgjafinn eina raftækjaverslunin hér þar sem peningarnir verða eftir í héraði. Endilega látið vita ef þið vitið um einhverja aðra.

Veit ekki hvort peningurinn fyrir Kea skyrið fer suður strax eða stoppar eitthvað hér en mjólkusamlagið er allavega á staðnum og viljum við halda því í starfssemi.

Matur , fatnaður, leikföng.

Gerum okkar besta til að halda því sem við getum haldið hér heima, nóg fer nú samt.

 

Svo þurfum við að fá nýja augnlækna,  ekki hægt að hálfur bærinn leiti til Reykjavíkur eða í Hamraborgina.

Er virkilega enginn augnlæknir á suðvesturhorninu sem hugsar sér til hreyfings?

Verið hann velkominn.

 

Annars bara hafið það gott og verið kurteis

Gullmoli dagsins.

Moli dagsins er:

 

Leiktu þér oftar.

 

Góða nótt

Gullmolar dagsins

Góðan dag gott fólk.

 

Orð dagsins í dag eru:    Kraftur, eldmóður og innlifun.

 

Njótið vel

Moli dagsins.

Gullmoli dagsins í dag er:

Sofðu í 7. klukkutíma, á hverri nóttu.

Moli dagsins!

Gullmoli dagsins átt að betra lífi.

 

2. Sittu í algjörri þögn í a.m.k. 10 mínútur á hverjum degi.

Erlenda frétt dagsins.

Sofðu unga ástin mín....

Óli Tynes skrifar:

Heilbrigðisyfirvöld í Noregi kanna nú mál hjóna sem kærðu ljósmóður fyrir að banna konunni í blóta þegar hún var að fæða barn sitt. Að sögn konunnar kvaldist hún svo á vissum tíma í fæðinguinni að það hrökk upp úr henni eitt blótsyrði.

Norska blaðið Aftenposten segir að ljósmóðirin hafi reiðst því mjög. Hún hafi sagt við konuna að hún ætti skilið að eiga erfiða fæðingu fyrir að ákalla djöfulinn.

Hún þrýsti á hjónin um að biðja bænir þar sem með því væri hannski hægt að bæta fyrir blótsyrðið.

Hjónin segja að þeim hafi brugðið mjög við þessa framkomu, en þau hafi bitið það í sig þar sem þau hafi fundist þau vera undir miklum þrýstingi og hrædd um barnið sitt.

Eftir fæðinguna ákváðu þau hinsvegar að kæra framkomu ljósmóðurinar.

Einnig fyrir að þeim fannst hún ekki hafa sinnt sjúkraskrá konunnar sem skyldi, hvorki fyrir né eftir fæðingu.

Viðkomandi ljósmóðir kaus að tjá sig ekki þegar fjölmiðlar leituðu til hennar vegna kærunnar.

 Vitna hér í grein á Vísi í dag.

Þetta er sú ótrúlegasta frétt sem ég hef séð svo lengi ég man. Veit að þetta er örugglega einstakt dæmi en mér er sama.

Stelpur, muna það hér eftir að vera búnar að æfa jákvæða uppbyggjandi ræðu til að flytja á einmitt þessum sekúndum þegar þér finnst líkaminn algjörlega vera að rifna í sundur.

Hafið það gott

Gullmolar að betra lífi.

Fann fésinu hjá honum Ragga vini mínum nokkra gullmola til að hjálpa okkur við að öðlast betra líf.

Kalla ég þá Gullmola dagsins.

 

1. moli:    Farðu í 10-30 mínútna göngutúr á hverjum degi. Og á meðan þú gengur, brostu.

Góða nótt