Stór helgi í Norðurporti.

Aldeilis mikið um að vera hér á Akureyri um helgina. Ég elska svona helgar þegar allt er á fullu.

Við í Norðurporti ætlum að starta  helginni með stæl.

Tailenskt kvöld.

 Stelpurnar sem hafa verið niðurfrá eru búnar að standa í eldamennsku frá því í gær.  Frétti af þeim í dag í Bakkahlíðinni, þær voru einar 10 á kafi í pottunum. Ég fór með þeim að versla svo ég veit hvaða kræsingum við megum eiga von  á. Enda stóðum við fyrir Taílensku þjóðarkvöldi, Útlendingafélag Eyjafjarðar, á meðan það var og hét. Ég er sko ekki búin að gleyma hvað margt af þessu smakkaði frábærlega.

Nánar um þetta á: www.nordurport.is

 

Svo verður auðvitað markaðurinn opinn. Ég ætla að aðstoða við matinn þannig að unglingurinn verður í básnum okkar. Þar verðum við með notuðu fötin, var einmitt að fá meira í kvöld af notuðum fötum. Svo var ég að byrja með um síðusta helgi boli,  venjulega frá Fruit of the Loom. Þeir sem þekkja merkið vita hvað bolirnir eru góðir, háskólaboli, poloboli og svo lady fit spes fyrir þessar með mitti. Ullarsokkar og vettlinga. Postulínsdúkkurnar eru farnar að týna tölunni. Tvær seldust strax um síðustu helgi og mikið búið að spyrja um þær.  Baby  born fötin sem hún Harpa mín er með. Valkirjan mín lánaði henni dúkkurnar sína sem model. Harpa ætlar einmitt að leysa mig af á laugardag og sunnudag.

Svo er það bókin til styrktar byggingar mótorhjólasafnsins hér á Akureyri.

Veit ekki hversu margir vita um þessa framkvæmd.

En þú getur séð nánar um það á: www.motorhjolasafn.is

En í Norðurporti ljái ég þessu framtaki aðstoð mína  og er að selja bókina

Þá riðu hetjur um héröð - 100 ára saga mótorhjólsinns á Íslandi.

Endilega kíkið á bókina hjá mér eða inn á heimasíðuna hjá þeim köppum á mótorhjólasafninu.

Ýmislegt annað í boði hjá mér. Sjón er sögu ríkari.

 

Sjáumst um helgina.

 

 

Athugasemdir

[Guðrún Jónína Eiríksdóttir, 9.4.2009 kl. 00:40]

Mikið að gerast, gleðilega páska.

[Anna Guðný , 9.4.2009 kl. 01:09]

Sömuleiðis Dúna mín, Gleðilega páska

[Jónína Dúadóttir, 9.4.2009 kl. 07:20]

[Erna, 9.4.2009 kl. 09:42]

Nú er mín í essinu sínu, allt á fullu og brjálað að gera

Kíki kannski í portið um helgina.

Gangi þér vel vinkona

[Guðrún Emilía Guðnadóttir, 9.4.2009 kl. 10:34]

Gleðilega páska elskuleg og ég vildi óska að ég gæti tekið þátt.
Kveðjur í góða helgi hjá ykkur.
Milla.

[Anna Guðný , 9.4.2009 kl. 13:08]

Já stelpur, nú er sko fjör hjá minni.

Erna: Þú kemur náttúrulega og kaupir þér kvöldmatinn hjá okkar. Hlaðborð á kr. 1000. Gerist ekki betra

Þið hinar takk fyrir innlitið

[JEG, 9.4.2009 kl. 15:21]

Já ekki undra að mikið verði um að vera á AK um helgina því þangað lá jú umferðin.  Og mikið var búið að tala um að allir færu á skíði á AK um páskana.  Skemmtu þér vel mín kæra og eigðu ljúfa páska. 

Já það hefði verið óvænt skemmtun að hitta á Renötu á djamminu :)