Fjölskyldustund á laugardagskvöldi.

Við hjónin settumst  niður með yngri börnunum og horfði á þáttinn. Vorum með þær væntingar að við gætum skemmt okkur í þennan klukkutíma sem þátturinn tók. Gaman ef  allir gætu haldið með einhverju lagi, helst að hvert lag fengi einn áhanganda. Þetta gekk eftir. Skemmtum okkur ágætlega. Við eldri deildin héldum með Heiðu og verð því að viðurkenna að við skíttöpuðum. Gaurinn valdi Edgar nr. 1 og Heiðu nr. 2. En valkirjan var á hreinu með sitt val. Jóhanna Guðrún nr. 1. og Edgar nr. 2. Svo var hún alveg miður sín yfir því að hafa alveg haft rétt fyrir sér og vildi endilega að ég hefði allavega valið annað þeirra. En ég er svo sem ekkert miður mín yfir þessu.Þessum klukkutíma var vel varið kúrandi í sófanum með eitt til tvö börn í fanginu. Svo fannst mér þær stöllur Ragnhildur Steinunn og standa sig með prýði, fannst þær bara virkilega skemmtilegar. Gaman að sjá þessar gömlu klippur.

Ég ætla ekki að dæma þennan þátt eftir menningarlegu gildi eða tæknilega séð. Hef ekki þekkingu til þess.

Ég dæmi þáttinn bara eftir því sem ég upplifði hann fyrir fjölskylduna. Einkunn: 5 af 5 mögulegum.

Hlakka til næsta laugardag.

 

Svo gleymdi ég að minnast á það að við íslendingar verðum að fylgjast með þeirri dönsku líka, því þar er Hera Björk komin í úrslit. Bara gaman.

Jóhanna og Edgar komust áfram

Athugasemdir

[Anna Guðný , 11.1.2009 kl. 23:25]

Einmitt Auður og það var það sem máli snérist um hjá okkur.

Það er svo fáir ísl. þættir sem fjölskyldan getur  setiðyfir, um að gera að nýta sér það.

Dóra mín: Hafðu það líka gott. Er ekkert Evróvision í Japan?

Væri spurning að athuga það.

[Hulda Margrét Traustadóttir, 11.1.2009 kl. 23:26]

Alltaf gaman að sameinast yfir þessu. Annars gott að sjá þig í dag

[Dunni, 12.1.2009 kl. 06:37]

Eiginlega fannst mér lögin aukatriði í þættinum.  En stelpurnar sem stjórnuðu kunnu sitt fag og lyftu Júróinu upp á miklu skemmtilegra plan en ég hef áður séð.  Reyndar ekki oft sem ég horfi á þessa keppni.  Reyni þó að sjá íslensku framlögin í lokakeppnunum. Og fylgist með talningunni að sjálfsögðu.

[Helga skjol, 12.1.2009 kl. 08:11]

Gleymdi þættinum, en mikið finnst mér gaman að sjá þig hérna aftur Anna mín.

Knús

[Anna Guðný , 12.1.2009 kl. 08:19]

Sömuleiðis Margrét, gaman að sjá þig líka. Kíki trúlega aftur í dag.

Dunni: Ég er eiginlega svolítið sammála þessu.

Helga  mín, takk fyrir. Góð tilfinning að vera saknað

[Guðrún Emilía Guðnadóttir, 12.1.2009 kl. 10:10]

USS ég vissi ekkert hvað var um að vera, en heyrði í stelpunum og mun kannski horfa næst.
En allt sem styrkir fjölskylduna er af hinu góða og þið eruð nú frábær í því Anna Guðný mín.
Ljós yfir heiði
Milla

[Líney, 12.1.2009 kl. 16:20]

Frábært,fjölskyldan mín sat reyndar ekki límd yfir þessu en   dilluðu sér  við  sum lögin.Kaus  Edgar.

[Renata, 12.1.2009 kl. 16:30]

Gott að hafa svona fjölskyldufund :)

við gleymdum þætti alveg og vorum í matarboð.