Líst vel á þetta.

Fann þetta á Vísi.Verður spennandi að fylgjast með.

 

Vinna saman gegn fíkniefnavanda á Norðurlandi

Björn Bjarnason dóms- og kirkjumálaráðherra og lögreglustjórarnir á Akureyri, Blönduósi og Sauðárkróki auk Haraldar Johannessen ríkislögreglustjóra skrifuðu í dag undir samkomulag um sérstakt samstarfsátak lögreglunnar gegn fíkniefnavanda á Norðurlandi.

Í sameiginlegri tilkynningu segir að samkomulagið miði að stórauknu samstarfi norðlensku lögregluliðanna fjögurra. Komið verður á laggirnar sérstöku teymi þriggja lögreglumanna við rannsóknardeild lögreglunnar á Akureyri ásamt lögreglumanni með fíkniefnahund. Verða tveir lögreglumannanna í teyminu frá sérsveit ríkislögreglustjóra.

"Með samstarfinu er stefnt að því að efla styrk og samtakamátt lögregluliðanna fjögurra og herða þannig baráttuna gegn innflutningi, dreifingu og neyslu fíkniefna," eins og segir í tilkynningunni.

 

Athugasemdir

[Jóna Á. Gísladóttir, 7.8.2008 kl. 23:25]

Öllum svona framtökum ber að fagna. Aldrei of mikið gert í þessum efnum.

[Erna, 7.8.2008 kl. 23:29]

Segi eins og þú, mér líst vel á þetta og vona að þetta virki. Þarna er komið upp net sem gerir þetta allt erfiðara fyrir dópheiminn hér fyrir norðan.

[Gísli Tryggvason, 7.8.2008 kl. 23:36]

Góð ábending og ágæt von.