Öskudagur

Langur og strangur dagur liðinn. En mikið ofboðsleg var skemmtilegt. Þetta var í fyrsta skipti sem börnin mín voru öll í sama liði.Svo voru tvær vinkonur til viðbótar. Auðvitað sváfu þær sl. hér í nótt. Einn hluti af gamninu er að vakna saman. Borða góðan morgunmat, klæða sig upp og mála og taka eina æfingu áður en lagt er af stað.

'Eg vaknaði sem sagt kl. 06.00 og 5 sekúndum síðar stóð ein 9. ára dama (annar næturgesturinn)við rúmstokkinn hjá mér skælbrosandi og til í daginn. Við vorum svo lögð af stað út héðan vel fyrir kl. 08.00. Þau voru búin að panta að byrja í Kexsmiðjunni því þar er svo flott sönggjöf. Heill kexpakki.

Núna átti sko að taka þetta skipulega, heimsækja alla sem við þekkkjum í vinnuna.

Komumst að því að Alexander litli Már frændi okkar var veikur heima svo mamma hans var ekki í vinnunni í Hár og Heilsu. Náðum þó að heilsa upp á Sigrún í Sparisjóðnum.

Ástrós vildi auðvitað heimsækja mömmu sína í Kaupþing. Jói opnaði nú bara bíóið til að lofa þeim að syngja þar. Veit ekki hvort það var einhver sárabót hjá honum, hann fékk nefninlega nammi fyrir það að syngja ekki í bankanum.

Krakkarnir sungu alveg eins og englar, kunnu allar textana og fengu mikið hrós fyrir það og líka hvað þau sungu hátt og snjallt.

Við keyrðum og gengum út um bæinn fram yfir hádegi og enduðum í Kjarnalundi hjá ömmu hennar Bergþóru. Þar sungu þau fyrir heimilisfólkið og voru beðin um fleiri lög.Gaman að sjá þegar gamla fólkið hætti að borða til að hlusta á sönginn.

Þegar heim kom var afraksturinn viktaður, bara svona til að sjá hvað þetta var mikið. Þetta voru heil 12. kg. Ekkert smáræði. Þannig að allir voru glaðir og ánægðir með daginn.

Við fórum í miðbæinn og þetta var í fyrsta skipti sem ég hef horft á köttinn sleginn úr tunnunni. Hefðum að vísu betur sleppt því af því að við misstum af söngupptöku á N4. Vorum fyrsta liðið sem fékk "bara" nammi. Hefðum auðvitað viljað koma í sjónvarpið.

Þó þetta væri mikið nammi þá var þetta samt mikil viðurkenning því þau voru oft að fá meira en önnur lið því þau voru búin að leggja svo mikið í þetta.

En það besta af öllu við þetta var að útlagður kostnaður við búingakaup voru heilar kr. 1.000.-

Þannig að þetta er vel hægt. Það þarf ekki endilega að kaupa dýra búninga. Við ákváðum að gera þetta svona núna og leggja frekar peninginn í ferðin til Tenerife í maí, og allir sáttir við það.

 

Athugasemdir

[Helga Möller (IP-tala skráð) 7.2.2008 kl. 01:18]

Sæl og blessuð og takk fyrir athugasemdina á mínu bloggi. Ég var nú kannski ekki að hugsa um það hvað fólk væri að hugsa um mig þarna eina í bíóinu en mér er alltaf spurn hvað fólki finnst vera furðulegt við að fara eitt í bíó. En fólk er bara misjafn er það ekki? Og þannig á það að vera.

kv. Helga Möller