Elíana Sól, þetta er fyrir þig.

Skemmtileg auglýsing

Tær snilld.

Þetta með með því sniðugra sem ég hef séð lengi. Sá þetta hjá bloggvinkonu minni, henni Sylviu.

Já, bara láta þá heyra það.

Vona að framleiðendum þáttana gangi vel með þetta verkefni án þess að vera blendlaðir við einhverja sem þeir vilja ekki. Örugglega fín lína þarna á milli.Gangi þeim vel.

Íþróttaálfurinn ekki í Íhaldsflokknum

Öskudagur

Langur og strangur dagur liðinn. En mikið ofboðsleg var skemmtilegt. Þetta var í fyrsta skipti sem börnin mín voru öll í sama liði.Svo voru tvær vinkonur til viðbótar. Auðvitað sváfu þær sl. hér í nótt. Einn hluti af gamninu er að vakna saman. Borða góðan morgunmat, klæða sig upp og mála og taka eina æfingu áður en lagt er af stað.

'Eg vaknaði sem sagt kl. 06.00 og 5 sekúndum síðar stóð ein 9. ára dama (annar næturgesturinn)við rúmstokkinn hjá mér skælbrosandi og til í daginn. Við vorum svo lögð af stað út héðan vel fyrir kl. 08.00. Þau voru búin að panta að byrja í Kexsmiðjunni því þar er svo flott sönggjöf. Heill kexpakki.

Núna átti sko að taka þetta skipulega, heimsækja alla sem við þekkkjum í vinnuna.

Komumst að því að Alexander litli Már frændi okkar var veikur heima svo mamma hans var ekki í vinnunni í Hár og Heilsu. Náðum þó að heilsa upp á Sigrún í Sparisjóðnum.

Ástrós vildi auðvitað heimsækja mömmu sína í Kaupþing. Jói opnaði nú bara bíóið til að lofa þeim að syngja þar. Veit ekki hvort það var einhver sárabót hjá honum, hann fékk nefninlega nammi fyrir það að syngja ekki í bankanum.

Krakkarnir sungu alveg eins og englar, kunnu allar textana og fengu mikið hrós fyrir það og líka hvað þau sungu hátt og snjallt.

Við keyrðum og gengum út um bæinn fram yfir hádegi og enduðum í Kjarnalundi hjá ömmu hennar Bergþóru. Þar sungu þau fyrir heimilisfólkið og voru beðin um fleiri lög.Gaman að sjá þegar gamla fólkið hætti að borða til að hlusta á sönginn.

Þegar heim kom var afraksturinn viktaður, bara svona til að sjá hvað þetta var mikið. Þetta voru heil 12. kg. Ekkert smáræði. Þannig að allir voru glaðir og ánægðir með daginn.

Við fórum í miðbæinn og þetta var í fyrsta skipti sem ég hef horft á köttinn sleginn úr tunnunni. Hefðum að vísu betur sleppt því af því að við misstum af söngupptöku á N4. Vorum fyrsta liðið sem fékk "bara" nammi. Hefðum auðvitað viljað koma í sjónvarpið.

Þó þetta væri mikið nammi þá var þetta samt mikil viðurkenning því þau voru oft að fá meira en önnur lið því þau voru búin að leggja svo mikið í þetta.

En það besta af öllu við þetta var að útlagður kostnaður við búingakaup voru heilar kr. 1.000.-

Þannig að þetta er vel hægt. Það þarf ekki endilega að kaupa dýra búninga. Við ákváðum að gera þetta svona núna og leggja frekar peninginn í ferðin til Tenerife í maí, og allir sáttir við það.

 

Hugs , hugs held ég sofi á því.

Hélt ég væri búin að læra að senda Moggafrétt yfir á síðuna mína en tekst ekki. Hugsa örugglega skýrar í fyrramálið.

Er að hrynja af þakinu hjá mér í þessum töluðum orðum.

Mikið snjómagn á þakinu hjá mér. Tvær svalir og kötturinn hefur ekki fengið að fara út í dag, hvað þá börnin. Þá meina ég út á svalir. Annars er ég alveg róleg yfir þessum snjó. Það er eðlilegt að það snjói á Akureyri en það sem mér finnst verra er að heyra t.d. af því að snjó festi í Vestmannaeyjum eins og gerði um daginn. Hingað til höfum við alltaf heyrt af honum fljúga yfir eyjarnar.

Þetta kallar maður að láta drauma sína rætast!

Vá hvað þetta er flott hjá þeim. Þyrftum að heyra mun oftar frá fólki sem er einmitt að láta drauma sína rætast. Þeir þurfa alls ekki að vera svona stórir til að vera fullgildir. Við fjölskyldan erum t.d. búin að skrá okkur í fyrstu sólarlandaferðina efitir að öll börnin fæddust og það er sko draumur okkar allra.

Svo er það draumurinn um að eignast nýjan bíl en hann er enn í draumheimum. Sumir hefðu keypt bílinn á undan sólarlandaferðinni en svona erum við misjöfn og með ólíka forgangsröð. 

Þannig að endilega allir, látum okkur dreyma. Passa bara að hafa þá suma allavega raunhæfa svo möguleiki sé á að þeir rætist. Svo er hægt að hafa aðra stærrien það tekur þá bara lengri tíma í að vinna í þeim.

Jón Baldvin og Bryndís Schram láta gamlan draum rætast

Hmm...

Er að reyna að blogga um frétt en virðist vera eitthvað treg. Er einhver sem sér þetta sem getur gefið mér comment um hvernig á að gera það?

Fyrirfram þakkir 

 

Ótrúlegasta fólk bloggar!

Maður kynnist nýrri hlið á mörgum eftir að hafa eytt nokkrum klukkutíma í að vafra um Moggabloggið. Ég á örugglega eftir að finna marga sem ég þekki eða þekkti og svo auðvitað kynnast nýjum  líka.

Ég var meira að segja komin með einn bloggvin eftir bara hálftíma skráningu og hún var líka fyrsta manneskjan sem ég commenteraði hjá.