Mikið skil ég þá

Fann þetta inn á Vísi. Þetta er ég búin að hugsa oft um.

 

Lögreglumenn vilja ekki að mótmælendur fái útrás á sér

Lögreglumenn urðu fyrir barðinu á mótmælendum fyrir réttri viku síðan.

Það leggst mjög illa í lögreglumenn að fólkið í landinu skuli fá útrás fyrir reiði sína á þeim, segir Snorri Magnússon, formaður Landssambands lögreglumanna. Hann segir að mótmælin leggist illa í lögreglumenn. Hann bendir á að ástandið bitni ekkert síður á lögreglumönnum en öðrum þegnum þessa lands.

„Ég veit ekki hvað maður á að segja um þessi mótmæli við lögreglustöðina hérna fyrir rúmri viku síðan," segir Snorri. Hann segir þó að það sé gersamlega út í hött að fólk skuli spyrða handtöku á manni sem borgi ekki sektina sína við einhverjar mótmælaaðgerðir.

 

 

Þarf að segja eitthvað meira?

Athugasemdir

[Gunnar Helgi Eysteinsson, 2.12.2008 kl. 17:27]

Kreppukall: Ég tek undir orð þín... heyr! heyr!

[Sigríður B Svavarsdóttir, 2.12.2008 kl. 18:06]

Það er eðlilegt.. Þeir eru í vinnunni sinni..

[Frosti Heimisson, 3.12.2008 kl. 09:32]

Það má vel vera að þessi kjáni hafi verið ólöglega handtekinn en fyrr frýs í helvíti en að ég fari að gútera það að menn safnist fyrir framan lögreglustöðina með skrílslæti til að ögra lögreglunni.  Það eru til aðferðir við að leysa svona mál á eðlilegan hátt.  Ég hefði helst viljað að lögreglan hefði bara víðtækar heimildir til að taka svona fólk úr umferð enda var fyrirséð að hann myndi halda uppi uppteknum hætti þessa helgi á Austurvelli sem fyrr (þar sem hann grýtti Alþingi Íslendinga og lögreglan ákvað að gera ekkert í). 

Við eigum ekki að sætta okkur við né umbera lögbrot, glæpi og uppþot sem þessi.  Svo ekki sé talað um hvað þessir lögreglumenn þurfa að þola alla daga í vinnunni.

[Frosti Heimisson, 3.12.2008 kl. 09:33]

Og ekki þótti mér þessi móðir beint stíga í vitið, hvað þá þegar hún stóð gargandi fyrir utan Stjórnarráðið.  Sýnist hún ætla að valda meiri usla en bara út af þessari handtöku sonar síns.  Held að það hafi bara verið léleg afsökun.

[Doddi - Þorsteinn G. Jónsson (IP-tala skráð) 3.12.2008 kl. 10:18]

skil ekki alveg hvernig hægt er að verja skrílslætin við lögreglustöðina. Eflaust er margt sem lögreglan má gera betur, en það réttlætir ekki svona ýkt viðbrögð. Og ég tek alveg undir það sem Frosti segir ...

Minn skilningur á þessu er einfaldur: staðan í samfélaginu og þjóðfélaginu er vond. Yfirvöld hafa ekki verið sannfærandi og verið að standa sig. Lögreglan vinnur hins vegar fyrir hvaða ríkisstjórn sem er ... sama þótt aðrir hefðu verið við völd, þá hefðu að öllum líkindum sömu lögreglumenn verið að störfum. Þú réttlætir ekki skrílslæti svona.

Kærar kveðjur til þín Anna!

[Bögga (IP-tala skráð) 3.12.2008 kl. 11:19]

Ekki vildi ég vera lögga,það veit Guð. Frænka mín er að útskrifast úr Lögguskólanum 12 des hún verður lögga í Keflavík.Ég skil hana ekki. mundu að klæða þig vel það er svo KALT úti og kári býtur í kinn

[Renata, 4.12.2008 kl. 08:04]

Tek undir Frosta.

og já, það þarf ekki segja meira.