Hmm... Gústi frændi??

Neee Ég á sem betur fer engan frænda sem kallaður er Gústi. En ég er sammála lögreglumanninum;  hann er frumlegur.

Kvaðst vera klámeftirlitsmaður

Vissi þetta nú.

Er ein af þeim sem er í yfirvikt og það nokkuð mikið. Er samt ein af þessu 51% þar sem allar mælingar koma vel út. Svolítið fyndið að sjá þess grein eftir daginn í gær þar sem yfir bloggheim valtaði stór hópur snillinga og sérfræðinga, ja og sérstaklega dóna. Mikið held ég að þeim aðilum líði vel í dag eftir að hafa hellt úr viskubrunni sínum hér í gær. Mér líður vel, kannski vegna þess að ég tók þá ákvörðun að reyna ekki að rökræða. Það er eitt af því fyrsta sem maður lærir hér á blogginu. Rökræða ekki við sjálfskipaða sérfræðinga.

Helmingur feitra hefur hraust hjarta

Fiskidagurinn mikli á Dalvík, myndir.

Er búin að setja myndirnar inn og var svo að klára að merkja þær.

Svo þarna í restina eru þrjár myndir frá Handverkssýningunni að Hrafnagili. Fyrir ykkur sem skoðuðuð myndaalbúmið frá Verslunarmannhelginni á Akureyri og sáuð þar mynd af glæsilegri konu í glæsilegum kjól. Jú, það er Beate sem er að vinna við eldsmíðina á sýningunni. Fjölhæf kona. Ég sá þennan hníf sem hún gerði og hann var flottur.

Sæl að sinni.

Nóg að gera!

Ætla að setja inn myndir frá helginni. Auðvitað frá fiskideginum mikla og svo skruppum við á Handverkssýninguna að Hrafnagili í dag. Set það bara í sér albúm. Ég er búin að skemmta mér alveg ótrulega vel þessa helgi. Eins og sést á myndunum vorum við með Adda í sölubás á Dalvík. Hann og moster Inga  byrjuðu með svona bás á fyrsta fiskidaginn sem var haldinn og sagði Inga mér að þvílík breyting hefði orðið á þessum árum. Stemmningin í ár var svona lige glad. Lítið um spennu. Og tilfellið er að ég fann þessa sömu tilfinningu á Einni með öllu á Akureyri um síðustu helgi. Það var bara gaman.

Svo er heilmikil dagskrá út vikuna. Mánudagsvaktin mín byrjar í fyrramálið. Frú formaður hringdi í mig áðan , sem var eins gott því ég var enn í sumarfríi og áttaði mig ekkert á að vetrarverkin færu að byrja. Svo er það grillveisla á þriðjudaginn, matarboð á miðvikudag, fjölskylduafmælisboð á fimmtudag og svo fer eiginmaðurinn að fara á sjóinn upp úr því. Mikið hefur nú verið gott að hafa hann svona lengi heima. Ég held að hann hafi aldrei síðan við kynntumst eytt svona löngum tíma með fjölskyldunni, fyrst í þrjár vikur í vor og svo núna í mánuð. Og við erum ekkert á leiðinni að skilja þannig að við gætum bara trúlega vanist því ef hann kæmi nú einhverntímann í land. 

Önnur haustverk eru að byrja þessa dagana og það er að koma börnunum í rúmið á eðlilegum tíma. Ég nenni ekki að reyna það fyrr en eftir fiskidag.

En hafiði það gott í vikunni sem er að koma. Það ætla ég að gera.

Bannað innan 18.

Sá frétt í gær um ilmvatnsauglýsingu frá Calvin Klein, þar sem sýnilegt brjóst varð til þess að myndbandið er bannað í Bandaríkjunum. Auðvitað mátti ég til með að kíkja á það. Þurfti  að samþykkja að ég væri orðin 18. en komst samt ekki inn á bandið fyrr en í morgun. Þeir hafa sem ætlað að varann á að ég færi ekki þarna í einhverri fljótfærni, heldur hugsaði mig vel um áður en ég tæki svona áhrifaríka ákvörðun.

Dæmi nú hver fyrir sig.

Allar leiðir liggja til Dalvík city

Í annað skiptið í röð sem ég þarf að vísa í frétt DV. Hvar er Mogga blaðamaður á Norðurlandi?

  

Stöðugur straumur liggur til Dalvíkur

Stöðugur straumur ferðafólks hefur legið til Dalvíkur síðan á miðvikudag, í aðdraganda Fiskidagsins mikla, sem verður um helgina. Í gær hafði íbúatalan að minnstakosti tvöfaldast og búist er við miklum fjölda í dag. Dagskráin hefst síðdegis og stendur fram á sunnudag. Gestir tjalda um allt, meðal annars inni á lóðum, og leggja hjólhýsum og tjaldvögnum víða á götum bæjarins. Að sögn lögreglu fór allt vel fram í gærkvöldi og nótt.

Fyrir svefninn!

Sá þetta á síðunni hjá henni Brynju, bloggvionkonu minni.

Hver man ekki eftir þessum?

http://www.sol.no/spill/kronespill/

Góða skemmtun

Frábært myndband með Páli Óskari

Meirháttar myndband. Og Palli alltaf jafn glaður og bara flottur. Dansararnir gera mikið líka.

Líst vel á þetta.

Fann þetta á Vísi.Verður spennandi að fylgjast með.

 

Vinna saman gegn fíkniefnavanda á Norðurlandi

Björn Bjarnason dóms- og kirkjumálaráðherra og lögreglustjórarnir á Akureyri, Blönduósi og Sauðárkróki auk Haraldar Johannessen ríkislögreglustjóra skrifuðu í dag undir samkomulag um sérstakt samstarfsátak lögreglunnar gegn fíkniefnavanda á Norðurlandi.

Í sameiginlegri tilkynningu segir að samkomulagið miði að stórauknu samstarfi norðlensku lögregluliðanna fjögurra. Komið verður á laggirnar sérstöku teymi þriggja lögreglumanna við rannsóknardeild lögreglunnar á Akureyri ásamt lögreglumanni með fíkniefnahund. Verða tveir lögreglumannanna í teyminu frá sérsveit ríkislögreglustjóra.

"Með samstarfinu er stefnt að því að efla styrk og samtakamátt lögregluliðanna fjögurra og herða þannig baráttuna gegn innflutningi, dreifingu og neyslu fíkniefna," eins og segir í tilkynningunni.

 

Ekkert skrýtið.

Þeir eru svo viðkvæmir, greyjin þarna í Ameríkunni. Þola ekki ber brjóst á mynd en ef einhver hefði nú verið drepinn og ég tala nú ekki um að blóðið úr honum hefði runnið um öll gólf, þá hefði nú verið í góðu lagi. Hvað köllum við þetta?

Eva Mendes of djörf fyrir Bandaríkin