Safnadagurinn

Eftir þessa menningarreisu okkar í gær ákvað ég að taka þetta með trompi og kíka á safn í dag, svona í tilefni dagsins. Börnunum fannst það hljóma spennandi að sjá hvernig smjör og skyr yrði til þannig að við keyrðum út í Laufás. Ég hef aldrei komið þangað og hitt á vinnudag hjá þeim. Og þvílíkt flott.

Lummubakstur. Sjáiði bara reykinn. Ég er að reyna að sjá fyrir mér afa minn asmaveikan í torfbænum í gamla daga með allann þennan reyk og svo auðvitað moldarrykið frá gólfinu og veggjunum.

Boðið upp á rjóma út í skyrið.

Börnin í búinu sínu.

Á leið heim keyrðum við fram hjá Safnasafninu á Svalbarðsströnd og ég hef aldrei séð annan eins fjölda þar. Þannig að eftir mætingu á þessi tvö söfn að dæma , þá hefur þetta verið góður hjá söfnum í dag. 

Var með þau tvö yngri með mér og fannst þeim alveg meiriháttar gaman.Hef alls ekki verið nógu dugleg að fara í svona dagsferðir. Alveg dæmigerður íslendingur, búin að fara með fjölskylduna til Kanarí á árinu en á allt nágrennið eftir.

Eigiði ljúfa vinnuviku.

 

Athugasemdir

[JEG, 13.7.2008 kl. 23:12]

Helvíti sniðugt svona. Gaman að þessu. Já ekki fer ég neitt svona. Knús og klemm á þig essgan mín.

[Anna Guðný , 13.7.2008 kl. 23:15]

Þetta endar með því að ég komi til þín.

[JEG, 13.7.2008 kl. 23:20]

Úbsí ég er farin að taka til hihihi....

[Anna Guðný , 13.7.2008 kl. 23:53]

Kem nú kannski ekki á morgun en er að renna þarna framhjá býst ég við á föstudag með hela familien Spurning hvort þú eigir á könnunni og maður rétti aðeins úr sér.

[Hrafnhildur Björk Jónsdóttir, 14.7.2008 kl. 00:27]

Frábært að skreppa svona.

[Unnur María Hjálmarsdóttir (IP-tala skráð) 14.7.2008 kl. 02:25]

Eg missti alveg af þessu????

[Anna Margrét Bragadóttir, 14.7.2008 kl. 07:58]

Þú ert ekkert smá dugleg að drífa þig í svona ferðir og gaman að sjá myndirnar frá þeim

Eigðu góðan dag mín kæra

[Sylvía , 14.7.2008 kl. 21:41]

hefði verið gaman að sjá þetta