Kaffihús Moggabloggara á Akureyri

Bara að minn á kaffihúsið á morgun.

Kl. 16.00 á Karolínu í Listagilinu

Mér var lofað slatta af tertum svo það ættu allir að geta fengið eitthvað fyrir sig með kaffinu.

 

 Ég ætla að byrja daginn, eins og venjulega, á að vera í Norðurporti. Verð þar frá 11.00 - 16.00.

Þá taka Elspa og Margrét við borðinu mínu og klára daginn. Gott að eiga góða að.

Þið sem ekki hafið kíkt í Norðurport, endilega látið nú verða af því.

Ýmislegt verður í boði. Ég verð með ullarvörurnar. Þessa líka fínu, einföldu ódýru vettlinga, prjónaða úr léttlopa á aðeins kr. 1000. Nokkur sokkapör á ég.  Svo var ég að fá nýja vettlinga, útprjónaða ofboðslega fallega. Þeir verða auðvitað dýrari, enda prjónakonan mun lengur að prjóna þá.

Svo er ég með gramskassann. Þar er að finna notuð föt á gjafaprís. Aðeins þrjú verð: 200-500-1000. Vasabrotsbækurnar í tugatali aðeins kr. 100.-

Sjáumst öll

 

 

Athugasemdir

[egvania, 27.2.2009 kl. 20:36]

Ég hef nú aldrei vitað að þessu Norðurporti, hvar er það staðsett og hvað er það.

Ásgerður

[Anna Guðný , 27.2.2009 kl. 22:00]

Ásgerður mín. Farðu inn á www.nordurport.is  og sjáðu hvað þetta er.

[Anna Guðný , 28.2.2009 kl. 00:33]

Vertu velkomin aftur í Norðurport og þá spjöllum við.

[Ólöf Karlsdóttir, 28.2.2009 kl. 01:36]

Þegar ég kem Norður ætla ég sko að kíkja á þetta norðurport er það eitthvað líkt kolaportinu Knúsý knús Óla

[Anna Guðný , 28.2.2009 kl. 09:16]

Já Ólöf. Þetta er Kola okkar norðanmanna. Mun minna að sniðum, auðvitað. Komast um 20 söluaðilar fyrir þar.Það opnaði um síðustu mánaðarmót á þessum stað en hafði verið í nokkru skipti fyrir jól í húsnæði við Glerártorg. Það er verið að byggja þetta upp hægt og bítandi. Góðir hlutir gerast hægt á Akureyri.

Hlakka til að sjá þig næst þegar þú kemur norður. Þá kíkir þú á mig.