Eigum við að skilja þetta?

Það er eitthvað Bandarískt stórfyrirtæki sem hefur tapað 16.5 milljarða ísl. kr. núna á þriðja ársfjórðungi. Þar af eru jafnvirði 6.9 milljarða kr. sem þeir hafa tapað á kaupum á skuldabréfum sem íslenskir bankar gáfu út. Er ekki allt í lagi? Mér sýnist það vera ungir menn í Matador í fleiri löndum en á Íslandi.

Loews Corp. rekur m.a. fjármálaþjónustu, hótel og er umsvifamikið í gas- og olíuleit og lagningu gasleiðslna.

Og svo er fólk hissa á að þessir strákar hér hafi látið glepjast.

Ég þakka enn og aftur fyrir það að þegar bæði bílasalinn og þjónustufulltrúinn í bankanum  ráðlögðu okkur í fyrra að endilega taka erlent lán til að endurnýja bílinn, þá hugsuðum við okkur um, hlustuðum á innri rödd og sögðum nei, það er ekki gott mál. Bílinn gengur, að vísu ári eldri en stendur fyrir sínu.

Hafið það gott

Tapaði miklu á skuldabréfum íslenskra banka

Athugasemdir

[Líney, 28.10.2008 kl. 09:17]

ég skil þetta  alla vega ekki

[Anna Guðný , 28.10.2008 kl. 09:21]

Nei ekki ég heldur en mér finnst nú samt áríðandi að þetta er ekki bara að gerast hér, heldur út um allt.

Takk fyrir innliltið

[Herdís Alberta Jónsdóttir, 28.10.2008 kl. 09:26]

Góðan daginn Anna, við erum sannarlega heppin sem skuldum ekkert í erlendri mynt, en varðandi það sem stendur við myndina af þér þá....... smá nöll...... yfirleitt er textinn hjá þér flottur en þessi setning...." Þið hafið ekkert að segja um hvað ég skrifa um." hún truflar mig, þetta um þarna tvisvar..... mín tillaga er "þið hafið ekkert efnislega um textann minn að segja." Allavega ekki tvö um í einni lítilli setningu. Hafðu það gott á Eyrinni, það er bara best að halda sig sem mest þar þessa dagana.

Kveðja Dísa

[Anna Guðný , 28.10.2008 kl. 16:22]

Jahérna Dísa mín. Takk fyrir athugasemdina Þetta er lika sett upp þarna á meðan ég var splunkuný og alveg ótrúlega  viðkvæm fyrir því sem hugsanlega kæmu einhverjir "vondir kallar" og helltu sér yfir mig. Er að sjóast núna, svo þetta er óþarfi.

Takk fyrir innlitið