Sólin á Tenerife.

28.5.2008 | 22:35

Eins og þeir sem hafa komið á þessa breiddargráðu vita, þá skín sólin hér beint að ofan. Og ég með minn lubba þarf hatt á morgun. Búið að vera æðislegt hérna, eins og við var að búast.Krakkarnir í sæluvímu og vilja flytja hingað, en það vildu þau nú líka þegar við fórum til Danmerkur í fyrra. Fullt af Akureyringum hérna og hér spjallar maður við gamla vinnufélaga. Gaman að því.En munurinn á þeim hér já og okkur líka er að hér höfum við tíma til að spjalla sem maður gefur sér ekki oft til heima. Fóru í göngu í gærkveldi og kíktum á ströndina. Í dag var svo sundlaugin prófuð af flestum, ég prófa hana á morgun. Annars skilja þeir hérna ekki þetta með "upphitaða" sundlaug. Ég er svoddan chicken að ég þoli engann kulda og já við skulum segja að það sé beðið eftir að ég þori í laugina.Ég og "þeir hér" leggja sem sagt ekki sama skilning í orðið upphitað. Ég og unglingurinn erum að fara í verslunarferð í fyrramálið, rosa gaman. Veit ekki hvort ég get sett inn myndir. Get ekki notað fartölvuna. Bara tölvur í lobbýinu og þó þær séu svo flottar að þær tali íslensku þá eru þær samt bilaðar stundum.

En hafið það gott í sólinni heima.

Flokkur: Bloggar | Facebook

Athugasemdir

Sólarknús á ykkur. Kveðja úr sveitinni.

JEG, 28.5.2008 kl. 22:51

Já er þetta ekki yndislegt??? Sigga sagði alltaf að eg væri með fiskablóð þegar eg henti mer í ís-kalda laugina. Það tók þær hinar meira en viku að þora út-í. Takk fyrir kveðjuna frá sætu strákunum!!!!!!