Eða læðan?

Mér finnst þetta agalega krúttleg frétt en það er ekkert minnst á mömmu kettlingana.

Gætti nýfæddra kettlinga uns hjálpin barst

Laugardagskvöld

Var búin að skrifa helling áðan og kemur þá ekki unglingurinn til að sýna mömmu sinni að hún sé byrjuð að blogga og búin að skrifa það fyrsta. Haldiði að hún hendi ekki öllu út.  En hún bað svo aumkunarlega afsökunar (skellihlægjandi að vísu) að ég varð að fyrirgefa henni.

Ég sit nú ein hér á laugardagskvöldi og hef það náðugt. Eiginmaðurinn fór á sjóinn í dag. Hann hringdi áðan. Brjálað veður en hann bjóst við að veður yrði orðið þokkalegt þegar hann kæmi á miðin. Við hin, ég og börnin þrjú sátum hér yfir virkilega skemmtilegri bíómynd í kvöld. Sjaldan þegar það er sýnd mynd sem hentar öllum og þá er um að gera að njóta þess. Við ætlum svo að horfa á Spaugstofuna og skemmtiþáttinn á morgun. Mikið að gera í sjónvarpsglápi.  Um leið og myndin var búin fóru þau yngri að sofa og vá hvað þau voru fljót að sofna. Og skyldi engann undra. Gaurinn var mættur á rúmstokkinn  hjá mér kl. 6. í morgun. Ég man þá daga að ef svoleiðis gerðist þurfti annað okkar hjóna að fara á fætur með, oftast ég auðvitað hann er það sjaldan heima. Það er alveg yndislegt að sá tími sé liðinn. Nú segir maður bara: Já elskan, fáðu þér að borða og kveiktu svo á sjónvarpinu  og ég kem svo á eftir. Þetta eftir getur alveg verið eftir tvo tíma eins og var hjá okkur í morgun. Annars var ég að hlusta á valkirjuna tala við vonkonu sína í síma í dag og það var alveg yndislegt. Vinkonan gat ekki leikið og þá vildi min auðvitað halda henni aðeins lengur í símanum og þær fóru að ræða þjóðmálin. Vinkonan er að segja henni að hún eigi 5001 krónu. Vá segir mín og kemur frá tólinu til að segja mér frá þessu, en segir síðan: Og er ekki ríkisstjórnin búin að taka peningana?  Mikil speki hjá minni. Verð að spjalla aðeins við hana. Nóg hafa þeir nú fengið á sig þingmennirnir svo ég fari nú ekki að saka þá um að stela peningum frá litlum stelpum.

Annars eru þessi börn alltaf að koma manni á óvart. Unglingurinn minn eyddi t.d. síðustu nótt í skólanum. Foreldraráðin í bekkjunum setja alltaf upp fyrir krakkana nokkrum sinnum á ári eitthvað skemmtilegt að gera. Í fyrra þegar hún var í sjöunda bekk þá voru þau beðin um að skrifa niður á óskalista eitthvað að gera. Nr. 1 á listanum var að sofa í skólanum.Enmitt, þau eru þarna alla virka daga en þetta var það flottasta. OK, það var farið í það núna. Þrjár mömmur tóku að sér að gista með þeim en svo vorum við tvær í viðbót sem aðstoðuðum við matinn og sátum svo fram eftir kvöldi. En þetta gekk svo vel og þetta eru svo flottir krakkar að ég fékk að fara heim snemma. Náði svo í hana aftur í morgun. Sum voru svona aðeins syfjuð en það var svo gaman að þau voru öll með bros út að eyrum sýndist mér.

Dagurinn í dag flaug áfram eins og venjulega. Það var vinnufundur hjá mér í Herbalife í dag. Hún Sylvía leggur á sig að koma alla leið frá Selfossi á 1-2 mánaða fresti og vera með okkur. Frábært hjá þér Sylvía. Egil kom líka og talaði hjá okkur áður en hann fór að keppa á Takevondo(er ekki alveg viss hvernig á að skrifa) mótinu sem haldið var hérna, seint og um síðir. Það var auðvitað ófært að sunnan og vesen að komast norður.

Svo eftir fundinn voru það fastir liðir eins og venjulega, keyra í og úr dansæfingu, snúllast eitthvað hérna heima. Pöntuðum okkur pizzu í kvöldmatinn. Í fyrsta skipti sem við pöntunum frá Bryggjunni, sem er nýr staður í sama húsi og Subway. Það eru eldbakaðar pizzur þar og held ég í fyrsta skipti sem allavega þau yngri smakka svoleiðis. Og ekki var nú beint bros á valkirjunni sem hún tók fram fyrstu sneiðina. Mamma, þetta er eins og úldið. Hvaða vitleysa sagði mamman. Jú, ég meina eins á litinn undir.Ok gat ekki rökrætt það. En þau kláruðu svo góð var hún.

Er svo að fara á vakt í fyrramálið í sáló. Kem heim um hádegi og meiningin er að gera eitthvað skemmtilegt með börnunum ef viðrar. Við kíkum allavega smá út.

Svo erum við búin að bjóða þeim á frumsýningu á High School Musical á morgun. Engin smá ánægja þegar ég kom með miðana í kvöld. Við hjónin keyptum þá á netinu fyrir nokkrkum dögum án þess að þau vissu. 1 og 2 erum búnar að ganga hér út í eitt og fínt að fá nýja. Ég er alltaf að upplifa oftar of oftar þessa dagana eitthvað sem þeim finnst öllum meiriháttar gaman öllum. Hef t.d. aldrei áður keypt miða handa þeim öllum án þess að taka við þau. En veit í þessu tilfelli að öllum finnst hún góð. Þetta þýðir víst að börnin séu að eldast. Og mikið finnst mér það gott. Veit að það verða erfiðleikar þar líka en ég verð alltaf ánægð þegar ég uppgötva að einu skeiði sé lokið og annað byrjað. Þið getið ekki ímyndað ykkur hvað ég er ánægð með að geta gengið framhjá ungbarnaverslunum. Það eru freistingarnar, maður minn.

 Jæja held ég ætti að kíkja á koddann.

Eigiði ljúfa helgarrest

 

Las þetta fyrst sem hækkun.

Fleiri en ég sem lentu í því? Kannski ekkert skrýtið. Ég man ekki eftir að hafa heyrt um neinn áður sem  óskað hefur eftir launalækkun.

Bað um launalækkun

Stjörnuspá dagsins.

Naut: Þú getur ekki læknað allar hörmungar heimsins á einum degi, en þú gerir allt til að leysa vandann í þínu litla horni. Þú ert með lista og krossar við.

Ótrúlega spes mynd.

Ég hefði haldið að þetta væri málverk. En það er auðvitað allt hægt með tækninni.

En elskurnar mínar, geriði það nú fyrir okkur hin að vera bara heima. Það getur ekkert verið svo áríðandi að það megi ekki bíða þangað til á morgun.Knúsustum um stund.

Skemmdir á mannvirkjum

Var það svo bretinn sem skildi ekki ensku?

Eins og mikið er nú búið  að tala um íslendinga og enskukunnáttu  þeirra síðustu vikur og ekki bara kunnáttu á tungumálinu, heldur á öllum málískumí enskumælandi löndum. Svo ekki sé minnst á skilninginn á framburði þeirra sem  koma frá ekki enskumálandi löndum. Skiljiði þetta?

Svo kemur í ljós að það var sjálfur Ástmögurinn sem skildi ekki tungulipurð ráðherrans okkar. Jahérna, Skoski hreimurinn hefur verið svona flottur.

Fullyrðingar Darlings dregnar í efa

Það munar um minna.

Vonandi áttu þau þokkalega góða nótt. Allavega svona eins og hæt er.

Góða ferð öll.

Hátt í 500 flognir frá Akureyri

Fékk þetta í pósti.

Ég, eins og margir fengu þennan póst í dag og þetta er bara skemmtileg lesning.

SÓSÍALISMI 
Þú átt 2  kýr. 
Þú gefur nágranna þínum aðra þeirra. 

KOMMÚNISMI 
Þú átt 2  kýr. 
Ríkið tekur þær báðar og gefur þér mjólk. 

FASISMI 
Þú átt 2  kýr. 
Ríkið tekur þær báðar og selur þér mjólk. 

NASISMI 
Þú átt 2  kýr. 
Ríkið tekur þær báðar...og skýtur þig svo. 

SKRIFRÆÐI 
Þú átt 2  kýr. 
Ríkið tekur þær báðar, skýtur aðra þeirra, mjólkar hina og hellir svo  allri mjólkinni. 

HEFÐBUNDINN KAPITALISMI 
Þú átt 2 kýr. 
Þú selur  aðra þeirra og kaupir naut. Þú stofnar kúabú og hagnast vel. Þú hagnast vel,  selur kúabúið og sest í helgan stein 

SÚRREALISMI 
Þú átt 2  gíraffa. 
Ríkið krefst þess að þú farir í harmonikkunám. 

BANDARÍSKA  FYRIRTÆKI 
Þú átt 2 kýr. 
Þú selur aðra þeirra og þvingar hina til að gefa  af sér mjólk á við fjórar kýr. Þú ræður svo sérfræðing til að komast að því  hvers vegna hún datt niður dauð. 

ÁHÆTTUFJÁRFESTINGAR 
Þú átt 2  kýr. 
Þú selur 3 þeirra til fyrirtækis á opnum markaði með veði í  gervifyrirtæki mágs þíns, gengur svo frá yfirtöku með vísan í skráningu á  markaði þannig að þú færð allar 4 kýrnar tilbaka og skattaívilnanir vegna einnar  til viðbótar. Afurðarétturinn af kúnum 6 er færður yfir á fyrirtæki í  Karíbahafinu, en leynilegur meirihlutaeigandi þess selur þér aftur réttinn að  öllum 7 kúnum. Samkvæmt ársskýrslu á fyrirtækið nú 8 kýr, með eigendarétti að  einni til viðbótar. Þú selur eina kú til þess að þóknast ónefndum  stjórnmálamanni og átt þá níu kýr. Rétturinn að nautinu er seldur almenningi í  hlutafjárútboði. 

FRANSKT FYRIRTÆKI 
Þú átt 2 kýr. 
Þú ferð í  verkfall, skipuleggur mótmæli og tefur umferð...vegna þess að þú vilt eiga þrjár  kýr. 

JAPANSKT FYRIRTÆKI 
Þú átt 2 kýr. 
Þú endurhannar þær þannig að þær verða tíu sinnum minni, en framleiða tuttugu sinnum meiri mjólk. Þú markaðssetur svo nýja teiknimyndahetju, „Kúmann“, sem nær miklum vinsældum um allan heim. 

ÞÝSKT FYRIRTÆKI 
Þú átt 2 kýr. 
Þú endurhannar þær þannig  að þær lifa í 100 ár, éta einu sinni í mánuði og mjólka sig sjálfar.   


ÍTALSKT FYRIRTÆKI
Þú átt 2 kýr. 
Þú veist ekki hvar þær eru  niðurkomnar. Þú ákveður að fá þér að borða.

RÚSSNESKT FYRIRTÆKI 
Þú átt  2 kýr. 
Þú telur þær og kemst að því að þú átt 5 kýr. 
Þú telur þær aftur og  kemst að því að þú átt 42 kýr.
Þú telur þær enn og aftur og kemst að því að  þú átt 2 kýr. 
Þú hættir að telja og opnar aðra vodkaflösku. 

SVISSNESKT  FYRIRTÆKI
Þú átt 5000 kýr. Engin þeirra tilheyrir þér í raun. 
Þú rukkar  eigendurna fyrir geymsluna. 

KÍNVERSKT FYRIRTÆKI 
Þú átt 2 kýr. 
Þú  ræður 300 manns til að mjólka þær. Þú segir atvinnuleysi í lágmarki og  blómstrandi landbúnað. Þú handtekur fréttmanninn sem sagði frá stöðunni eins og  hún er í raun og veru. 

INDVERSKT FYRIRTÆKI 
Þú átt tvær kýr. 
Þú  tilbiður þær. 

BRESKT FYRIRTÆKI
Þú átt tvær kýr.
Báðar eru með  gin-og klaufaveiki 

ÁSTRALSKT FYRIRTÆKI 
Þú átt 2 kýr. 
Bissnessinn  gengur vel. 
Þú lokar skrifstofunni og færð þér nokkra kalda til að halda upp  á það. 

NÝ-SJÁLENSKT FYRIRTÆKI 
Þú átt tvær kýr. 
Sú til vinstri er  asskoti löguleg. 

ÍRASKT FYRIRTÆKI
Allir virðast  eiga fjölda kúa. 
Þú segir öllum að þú eigir enga. 
Enginn trúir þér svo  þeir sprengja þig í tætlur og ráðast inn í landið. 
Þú átt enn engar kýr, en  þú býrð þó amk í lýðræðisríki núna.. 

Eins og þetta á að vera.

Fram að þessu allt verið eftir bókinn hér innanbæjar á Akrueyri. Fullt af snjó en snjóar á réttan hátt. Ekkert stormvesen, heldur bara snjóað í logni. Svo vonum við bara að snjórinn haldist og verði vetur hér á meðan vetur á að vera. Svo fari bara að vora á eðlilegum tíma.

Vona að sem flestir hafi verið tilbúnir. Börnin eigi nóg af hlýjum fötum og svoleiðis. Það er alveg ömurlegt að horfa upp á þessi grey hálf klæðlaus á göngu heim úr skólanum.

Gaurinn minn hélt hann þyrfti nú ekki snjóbuxur í morgun og var kominn út með þær á öxlinni, en  hann sneri svo við og dreif sig í þær.

Mikið væri nú gott ef hægt væri að opna Hlíðarfjall í nóvember.

Eigiði góðan dag í dag

Mikill snjór á Akureyri

Allt er nú til.

Væri gaman að vita hvort sé algilt og hvort þetta sé svona í fleiri löndum.

England – bannað innan átján