Framhald frá í gær

Ætla rétt að vona að allt tolli inni núna. Það sem það getur verið pirrandi að skrifa helling og setja inn myndir og fínirí og svo bara plobb!! Allt horfið.

En við sem sagt fórum vestur á Snæfellsnes á ættarmót. Gistum í Ólafsvík. Fengum að setja tjaldvagninn upp á næstu lóð. Þar var fínt pláss.

Laugardeginum eyddum við að mestu í Ólafsvík, þar sem stórfjölskylda eiginmannsins kom saman og skoðaði sig um og rifjuðu upp hina gömlu góðu daga.

Systkinin við leiði langafa og langömmu.

Sumir gengu og aðrir keyrðu upp á útsýnisskífunni og litu yfir bæinn.

Sumir notuðu líka tækifærið og kíktu á berjasprettu.

Unglingurinn okkar er svo heppin að bróðir hennar hefur mjög gaman af því að tína berin en langar ekkert til að borða þau. Hún fær því tvöfaldan skammt.

Um kvöldið var svo keyrt út á Arnarstapa þar sem allir grilluðu og skemmtu sér fram eftir kvöldi.

 

 

Grillmeistararnir klárir í slaginn. Valkirjan og gaurinn með Alexöndru frænku á milli sín.

 

Eins og á öllum alvöru ættarmótum var mikið sungið.

Valkirjan að taka lagið með öllum hinum.

Á sunnudaginn keyrðum við heim , en komum við í Borgarfirði þar sem Jón frændi og Kolla eru að byggja sumarbústað.

Er´ann að fara að rigna?

Maggi byggingarstjóri að taka út verkið.

 

Boðið var í kaffi í A hýsinu.

Valkirjan og Jóhanna frænka.

Komum heim seint á sunnudagkvöld. Strax á mánudegi var byrjað að umturna íbúðinni einu sinni enn. Málið er að mig vantar eitt herbergi í viðbót hérna. Af því að það er ekki alveg á fjárlögum í augnablikinu að kaupa nýja íbúð, þá höfum við  verið að máta herbergin. Við hjónin erum t.d. komin í hring, þ.e. aftur í sama herbergi og við byrjuðum í þegar við fluttum hingað. Og mér líður best hér.

En ég þarf að hafa skrifstofuaðstöðuna hérna í svefnherberginu. Hef svo lagerhillurnar í stofunni. Það var hálfhallærislegt að bjóða viskiptavinunum á rúmstokkinn. Afgreiði bara í stofunni.

Unglingurinn er komin með stærra herbergi. Nú hefur hún svalir.Ekkert smá ánægð með það. En engin reynsla komin því hún lánaði ömmu og frænku herbergið sitt og fór svo sjálf í flugi til Reykjavíkur í dag og keyrði svo til Grundarfjarðar. Þar ætlar hún að hjálpa Ólöfu frænku sinni og Jóhanni með litlu skottu. Foreldrarnir ætla eitthvað að skemmta sér um helgina. Hún kemur svo heim aftur á sunnudagskvöld.  

Á miðvikudaginn fór ég svo í Ásbyrgi á tónleika. Í sambandi við Sænska daga á Húsavík er hér í heimsókn þjóðlagakór frá Karlstad í Svíþjóð. Kórinn heldur nokkra tónleika hér á svæðinu og langaði mig mest að fara á þessa í Ásbyrgi. Hef heyrt af tónleikum þar og langaði að upplifa svoleiðis. Gestunum var að sjálfsögðu boðið með en síðan var hún Unnur María bloggvinkona mín svo heppin að frétta af ferðinni og henni var að sjálfsögðu boðið með. Við tvær erum svo mikið fyrir allt sænskt.

Þessi ferð tókst í alla staði vel. Jahérna hvað það var langt síðan ég hef komið þangað. Allt of langt.Veðrið var með þvílíkum eindæmum. Tónleikarnir voru fínir. Mikil upplifun.

 

Hembrygdan frá Karlstad syngur í Ásbyrgi.

Vals á pallinum.

Stjórnandanum boðið upp af túrhesti.

Auðséð að þessir eru vanir að fá brauð.

Á leið heim stoppuðum við á Mánárbakka og skoðuðum minjasafnið þar. Það var meirháttar upplifun. Svo renndum við í gegnum Húsavík og þar var allt á fullu við  undirbúning Mærudaga. Við keyrðum í gegnum bleika hverfið hennar Millu bloggvinkonu. Flott skreytt hjá Húsvíkingum.Hlakka til að fara þangað á morgun.

Í gærkveldi fórum við svo í smá hjólreiðatúr, ég og gaurinn. Fylgdum valkirjunni til vinkonu sinnar og fórum svo sjálf út á Óseyri að kíkja á smábátana.

Hjólið hans Jóa eitt á ferð?

Hm...

 

Ný útgáfa af Hafmeyjunni.

 

Afmælisbarnið.

Jóhanna Björg 7.ára.

Skautanámskeið

Ég var með í dag og horfði á. Sjáiði bara, kennararnir eru litlu færri en nemendurnir.

Svo var farið í leiki síðasta hálftímann.

Köttur og mús.

Þessi beið eftir því að komast inn á völlinn þegar börnin voru búin. Verið að steggja hann. Hann var nú svo lélegur á skautum, allavega í markmannsbúningnum, að hann hefði trúelga passað vel með börnunum.

Þekkir einhver þennan?

Verið að kanna úrvalið.

 

 

Athugasemdir

[JEG, 25.7.2008 kl. 23:44]

Vá essgan mín þú ert bara að springa úr dugnaði. Mikið hlítur þetta nú samt að vera búið að vera gaman. Alltaf gaman að fara  á ættarmót (er mér sagt) nú og Ásbyrgi bara geggjað (trúlofaði mig þar) tala nú ekki um að breita og bæta heima fyrir.

Hihhiihihih.... ég er nú eiginlega hætt að sjá þennann enda versla ég beint við þann stóra sko *hóst* (ódýrari og svo eru staffarar á samning)

Knús og klemm á þig essgan og þokukuldakveðja úr sveitinni.

[Anna Guðný , 26.7.2008 kl. 00:01]

Já, þetta er búið að vera mjög gaman. En skrokkurinn þolir ekki svona mikla keyrslu á fáum dögum, sérstaklega af því það var óvenjumikið á malarvegi. Þurfti samt bara tvo daga í bílahvíld til að geta farið af stað aftur.

Gaman að heyra af þú hafir trúlofað þig í Ásbyrgi. Við verðum nú að fá að heyra söguna af því

Við blásum þess þoku í burtu. Sem betur fer gott hér. Og á víst að vera næstu daga. Enda ætla ég að halda áfram að ferðast hérna austur um kring.

Þetta með bílinn, mig langaði í líka

[Anna Guðný , 26.7.2008 kl. 00:01]

Úbbs.... gleymdi

Hafðu það gott dúllan mín

[Sigurður Þorsteinsson, 26.7.2008 kl. 08:37]

Sæl Anna Guðný. Takk fyri að fá að fara í ferðalagið með þér . Í blogghausnum þínum er mynd af Syðri Varðgjá, er það tilviljun?

[Anna Guðný , 26.7.2008 kl. 09:36]

Takk fyrir innlitið Sigurður. Engin ttilviljun, fædd og uppalin á Syðri-Varðgjá

[Anna Guðný , 26.7.2008 kl. 10:05]

Vel á minnst, efsta myndin fór óvart tvöföld inn. Kann einhver að taka hana út? Ok, veit að margir kunna það, en vill einhver hjálpa mér við það?

[Helga skjol, 26.7.2008 kl. 13:37]

Ekki slæmt að leggja svona land undir fót Anna mín, er einmitt búin að vera að þvælast líka, kíktum einmitt á Húsavík á Fimmtudag en þá voru enginn hátíðahöld byrjuð en búið var að skreyta bæinn fallega.

Ég fer svo alveg að hringja í þig þegar maður er hættur þessu flandri

Risa ferðaknús á þig

[Guðrún Emilía Guðnadóttir, 26.7.2008 kl. 13:38]

Ekki kann ég að taka hana út, en má hún ekki bara vera, flott að sjá fyrirlesarann og eina úr kórnum taka vals á pallinum hefði viljað vera þarna en fór bara í safnahúsið í staðinn, skrítið í raun að vera að kommenta hér, vitandi af þér í bænum. en sjáumst á eftir.
takk fyrir flottar myndir og þú ert held ég ofvirk, maður fylgist bara ekki með ferðum þínum.
Knús knús
Milla.

[Sigurður Þorsteinsson, 26.7.2008 kl. 19:31]

Sæl Anna Guðný, dóttir Egils?

[Anna Guðný , 27.7.2008 kl. 01:21]

Helga : Takk fyrir innlitið, verum bara á flandri eitthvað lengur og svo förum við að slaka á.

Milla: Ég er líka orðin hálfþreytt núna og gott verður að kíkja á koddann. Takk fyrir móttökurnar í kvöld elsku Milla mín og bið að heilsa englinum þínum.

[Anna Guðný , 27.7.2008 kl. 01:22]

Sigurður: Já Egilsdóttir. Nú er ég að verða forvitin. Hvað næst?

[Anna Margrét Bragadóttir, 27.7.2008 kl. 08:00]

Það er svo gaman að fara í svona ferðir.

Þú ert ekkert smá dugleg að setja inn myndir,ég er ekki búin að læra að gera það en stendur til bóta

Hafðu það gott mín kæra

[Unnur María Hjálmarsdóttir (IP-tala skráð) 27.7.2008 kl. 10:21]

Já takk kærlega fyrir skemmtunina þarna um daginn. Þetta var verulega gaman.