Ferðalag dagur 1.

25.5.2008 | 23:01

Ákvað að skrifa aðeins hér. Veit svo sem ekkert hvað ég verð dugleg í því í ferðinni. Erum í Borganesi. Ætlum að gista hér. 'Eg sit hér yfir börninum og það er að slökkna á því fyrsta eftir dvd áhorf. Vakna snemma í fyrramálið, ég og unglingurinn fyrir sjö. Erum að fara til augnlæknis í Kópavoginn. Fáum sem betur fer far með hr. Bek og þau hin geta sofið lengur. Við mæðgur förum í Smáralindina og skoðum gleraugu og dúllum okkur eitthvað. Það er óvenjulegt að við getum eytt saman tíma einar. Kíkjum á snyrtivörur og svoleiðis. Svo er brennt inn í Innri- Njarðvík en þar er meiningin að sofa seinni nóttina. Svo erum við bara alveg tilbúin í slaginn. Hittum trúlega ferðafélagana bara í fríhöfninni.

Er að klára hérna smá verkefni sem þarf að skila á morgun. Þökk sé tölvum og því að margt sé hægt að gera nánast hvar sem er, svo lengi sem þú hefur tölvutengingu. Það gekk vel suður í dag. Lögðum af stað eftir hádegi í sól og blíðu. Ekta sólbaðs- og sundveðri en ekki eins gott að ferðast. Svona er þetta, aldrei er maður ánægður. Eitt sá ég á leiðinni sem ég er mikið búin að hugsa um. Gæti verið það nýjasta í skuldahala í dag. Ég kunni ekki við að taka mynd. En þetta var sem sagt húsbíll, svona 6-7 milljón króna virði og hann var með í eftirdrægi fjórhjól trúlega um milljón, fest á vagn. Ætli þetta sé málið í dag? Hver veit.

Jæja , nóg í bili. Best að fara bloghringinn fyrir svefn. Hann lengist og lengist (þ.e. hringurinn) og tekur nokkurn tíma að heilsa upp á alla.

Hafið það gott í blíðunni

Flokkur: Bloggar | Facebook

Athugasemdir

Þú hefðir átt að smella mynd af herlegheitunum. Ég sá á Hellu um daginn, þá svakalegustu hestakerru sem ég hef nokkurn tímann séð. Lengdin á henni var svakaleg og það er víst smá íbúð fremt í kerrunni, þetta er eiginlega ekki kerra þetta er lengra en þessi stóru hjólhýsi sem voru til einhver tímann en er orðið eitthvað mina af núna.

Linda litla, 26.5.2008 kl. 08:22