Auðvitað er þetta leiðinlegt en...

Staðan er bara svona í dag. En það sem mér líkar við eru  viðbrögðin. Í "góðærinu" hefði verið tekið lán til að fjármagna skemmtunina, bara borga seinna,  en núna var aftur á móti tekin ábyrgð ákvörðun.

Ef það er ekki til peningur, þá er honum ekki eytt.

Engin brenna á Akureyri

Athugasemdir

[Gísli Foster Hjartarson, 6.1.2011 kl. 07:38]

Ég skil bara ekki af hverju menn geta ekki safnað fyrir þessu á einn eða annan hátt. Hefði haldið að svona hlutur sem er gerður til að gleðja bæjarbúa, sérstaklega þá sem yngri eru, yrði ekki látinn sitja á hakanum. Veit að hér í Eyjum yrði allt geggjað ef að þetta yrði slegið af!!!

[Anna Guðný , 6.1.2011 kl. 13:06]

Auðvitað geta menn safnað fyrir svona brennu ef vilji er fyrir hendi. Ég held samt, svona þér að segja, að það hafi þurft eitt ár til að allir átti sig á að þetta kosti peninga og þó að það kosti ekkert inn þá er samt kostnaður við þetta. Það er ekki lengur hægt að kalla á Jóhannes í Bónus ef vantar peninga til að klára eitthvað dæmi. Hann var mjög viljugur til að hjálpa við ótrúlegustu verkefni.

 Spurning líka fyrir Þórsara að sleppa aðeins takinu og fá fleiri inn í  dæmið. Þessi brenna hefur alltaf verið á vegum þeirra og engra annarra. Brennan var lengi vel á þeirra svæði en nú er búið að byggja íþróttamannvirki þar.  Þannig að síðustu ár hefur Þórsaraskemmtunin verið haldið, ja eiginlega á KA svæðinu, allavega nær því. Nú er kannski kominn tími til að þessi félög fari að vinna meira sama og taki þetta í sameiningu á næsta ári.

Hefur þetta ekki verið sameiginlegt átak þarna í eyjum?